AN I PHOMH CUAHMAH, MIN AUNG HLAING NAU LE UMNAK AN LAK

Kaya ramkulh (Kayinni) Demawhsu khua palik riahbuk cu Kayinni phu fonh nih doh in an lak khawh tiah khuachung thawngzamhnak nih an langhter.Kayinni ramkulh Loikaw-Demawhsu lam thluan ah ralhrang phu hna le Kayinni phu fonh hna cu nihin September 7,zaanlei ah kahdohnak a chuak, DawPoeSi khua,

Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i zaanlei suimilam 7:00 tiang pehtlai in kahdohnak a chuak tiah theih a si. TCP

Thawngpang dang: CDM Tuahmi Bohmu 2 Nih Hruaimi People’s Soldiers Nih SAC Ralhrang An Kah Cang Hna Lai.Mipi lei ah a ttangmi CDM tuahmi ralkap Bohmu 2 hruainak in CDM ralkap le ralbawi pawl nih dirmi People’s Soldiers nih SAC ralhrang hna cu mipi lei ttang in kan kah cang hna lai tiah an thanh. Bohmu Ngyunh Naing le Major 48 nih People’s Soldiers cu hruai in mipi he ral kan tho in kan tu tti cang lai anti. TFT

Relchih Aduhmi Caah: Thawngpang ttha taktak si tthan cang. Chinram Tonzang Palik 5 hna cu Nihin ah CDF sin ah an i Fonh.Tonzaang palik sakhaan ah rian a ttuanmi Salai Kin Kim Mang telh in palik 5 nih nihin ah mipi he hmunkhat ah SAC ralhrang do ding in CDF sin ah an i fonh cang. Atubantuk in kanmah Chinram chungah hibantuk thawngpang ttha vun theih hi cu a sunglawituk hringhran. Ralhrang an dohnak ah bawipa nih umpi ko hna seh.

Be the first to comment

Leave a Reply

Your email address will not be published.


*