AMAK KO. NAUTE ALATU NU NIH ZAPI SIN BAK AH CABIA ALANGHTER

Tutan Mizoram ah Naute firnak a cangmi kong cu kan theih dih. Naute a latu nih mipi sin ah alanghtermi cabia cu phundang ngaingai asi ko. Naute alatu Maengi timi nih naute angeihnak konghe pehtlaiin hitihin a chim. Khrihfabu le pumpak chungkhar hna thlacam piaknak thawngin thatein fapa duhning te kan ngei cang. Thla aa kan campiaktu vialte nan cungah lawmhnak bia ka chim tiah a ttial.

Naute alatu Maengi nih attialning tein mizo cain attialmi cu hitihin asi. Kohhran ho leh minal chungkua te min tawngtaipuinak azarah tha takin fapa duhawm tak kan ngei ta. Min tawngtaipui tu te zawng zawng chungah lawmthu kan sawi tak meuh meuh e tiah mizo ca in alanghter. Hi konghe pehtlaiin thilsining an langhter mi cu a tang lei bantuk in hin a si.

Thawngpang ttha tuk a chuak cang, Chungkhar cu lawmhnak in an khat cang lai. Hithil hi Mizoram chung bak ah a cangmi asi. Dilo Chakma le Surota Chakma hna i an fate cu Lunglei Sizung in atlau. Nili lawng asi rih mi an Dilo Chakma le Surota Chakma hna fate cu nizan zingka suimilam pali hrawnghrang ah aho ti theih lomi minung pakhat nih a fir. Nawlngeitu police hna sin ah report nak an tuah.

Report an tuah hnu ah biatak tein Police hna nih dottletnak an tuah hnu ah naute cu him bawmtein an hmuh tthan. Police pawl cawlcangh ning zong an thangthat ngaingai hna. Report an don bak in suimilam 15 chungah police hna nih naute hi an hmuh colh. Naute cu zahanzan suimilam hleikhat deng ah a rak firtu sin ah an va lak khawh. Naute zong attha ko tiah an langhter chih.

Hi naute firnak konghe pehtlaiin nawlngeitu police hna nih an timi cu, hi nau firnak konghe pehtlaiin pehtlaihnak angeimi or zeiruangah dah tibantuk zong dottletnak tuah cuahmah lio asi tiah an chim chih. Thenkhat nih an chimmi cu naute a firtu nih cun, hringtu anu nih aka pek mi asi tiah ati an ti, asinain hringtu a nu nih cun mah fa asi ko mi cu zeiruangah ka pek lai, fa cu i pek phung maw si alih lawngte tiah ati ve ti asi.

No description available.

Naute a firtu hi Lunglei Farm Veng timi ah inn hlan in khua asami a si i, amah hi Tlabung khuami asi i, Tlabung ah hin zodin veng timi ah arak ummi asi tiah an chim. Cun naute afirtu hi amin ah Maengi ti asi. Amah hi Lalnunpuia nupi asi tiah an chim chih. Naute a fir or alatu cu acunglei ah kan vun langhter mi hmanthlak hi asi. Naute le anu hna cu police minung pahnih nih an congh cang hna.

Be the first to comment

Leave a Reply

Your email address will not be published.


*