AIZAWL A PHAN MI RALZAM A ZOHKHANHTU LUTLAI NIH A CHIMMI

Aizawl ah ralzam a ummi hna cu United for Democratic Myanmar (UDM) nih an zohkhanh hna. Aizawl ah a ummi kawlram ralzam konghe pehtlaiin United for Democratic Myanmar ah hruaitu lutlai a simi Lalramlawma nih a chimmi cu, Ralzam zohkhanhnak konghe pehtlaiin Home Minister Lalchamliana tonnak kan ngeih. Ralzam hna umnak ding zong cozah nih aa kan ruahpiak ding ruahchannak kan ngei ko tiah a chim.

Ralzam hna zohkhanh hi a hramthok ahcun a harsa ngaingai ko nain atu ahcun zaang a hungdam deuh ngai cang. Tlawmngai mi hna nih tangka an rak kan pek, kanmah zong nih kan thawh ve. Ralzam kan sin a rak phanmi hna hi, an i thial lai ah thonghnih peng kan pek hna. Hihi ahramthok ahcun aharsa ngaingai ko nain atu ahcun kan zawn aa kan ruatmi tampi an um hna.

Kan hna zong a hung ngam deuh ve cang. Ralzam hna umnak ding hi a buaithlak, aharsa bik a si ko. Asinain Home Minister kan chawnh i, thawngpang ttha kan theih. Thlanglei hnawmtam deuh inn ah chiahmi hna tucu lung a nuam lo ngai. An mah zohkhanhnak dingah tlawmsuknak zong tuah asi i, pumpak siseh a bu nih facang, pee, hnipuan le adangdang zeimzaw an pemi zong an um tiah a chim.

Ralzam chungah chungkhat angeimi hna cu an chungkhat sin ah an i thial tawn. Cun tthenkhat hi hlawhfa aherhmi hna an si i, ttuan ding angeimi hna nih an kan chimh rih. Mirum deuh hna dum ah an i hlawhfa i, dum ah an riak colh hna. Aizawl ah a ummi ralzam hna cu nizan tihni ah khan an umnak ah kan va zoh dih ko hna.an ngandamnak lei zong zoh an si tiah a chim chih.

Mizoram khuapi Aizawl ah ralzam a um cang mi hna minung zathum hrawnghrang an si i, hi chungah minung zakhat hrawnghrang cu chungkhat a ngei lomi an si hna tiah an chim. Kawlram ralzam konghe pehtlaiin thilsining taktak fiangtein cozah nih an langher duh lo. Cucaah ralzam hi minung zeizat taktak dah an si timi theih asi rih lo.

Hi konghe pehtlaiin Mizoram cozah cu kawlram ralzam zohkhanhnak caah zeizat dah tangka nan pek cang timi biahalnak an tuahmi ah Finance Secretary nih achimmi cu hi konghi ralrin ahauh ruangah siseh india cozah pi sin ah i runven caah chim angah lo tiah a chim. Thenkhat nih cun mizoram cozah nih tangka ape hna lo tiah theih a si. Credit: Vanglaini

Be the first to comment

Leave a Reply

Your email address will not be published.


*