ADIK TUK, FIANG TAKTAK IN ALANGHTER KO CANG HIH A TLING BAK

2008 Phunghram hrawh ve tung lo ahcun ralkap nih nawlngeihnak aa kan pek than zong ah duh lo ding (By Rolian). Tutan ralkap nih mipi kan nawlngeihnak a lak mi ruang ah ralkap nih aa ruah lo leng in mipi nih caan tha lak in teinak tling taktak kan lak lai. Atu kan ram buainak le ralkap kan doh tik ah party hoih in tang hrimhrim hlah usih, Party pakhat ca men ah tuah hrimhrim hlah usih. Miphun pakhat sinak in tang hna usih.

zei party hmanh nih Federal tling taktak cu an ser kho lai lo, party policies i khah lo ruang ah buainak a chuak chin lai. NLD kan si ah Chin Party kan si ah zei party kan si poh ah chin miphun sinak, miphun pakhat sinak huap in teinak hmuh tu i zuam hna usih.Atu duh lonak kan langhter ning le kan hal mi le ramdang US le UN hna zong nih siseh a dang dang phu hna zong nih nawlnak an tuah ning zoh tik ah ralrin ngai kan hau mi cu, 2020 thimnak resulh hi cohlan piak le nawlngeihnak pek than lawng kha a si deuh.

Afawinak cun 2008 phugnhram hrawh loin phunghram tang kan i uk ning kha pek than ding tiang lawng an chimrel deuh mi a si. cucu kan duh ding a si lo. Ralkap nih nawlngeihnak aa kan pek than i Phunghram a nunthan ding kha cu kan duh ding a si lo. Phunghram tang ah zei party hmanh man a ngei lo,Phunghram tangah cun zei cozah hmanh man an ngei lo, Phunghram tang ah cun Hluttaw thutden zong man ngei lo, phunghram tang ah ralkap nawlgneihnak aum rih. Cucaah kan duh ding a si lo.

Cucaah tutan rampi buainak hi caan tha lak in a tanglei hna hi kan aupi taktak ding cu an si.Mipi nawlngeihnak lak: Ralkap nih mipi kan nawingeihnak a lak mi cu a thar in mipi nih kan lak than lai. 2008 phunghram nih a nanh mi mipi nawlngeihnak lawng siloin Federal nawlngeihnak he aa tlak mi nawlgneihnak tiang lak a herh. Ralkap kan hrawh lai: Rampi pakhat himnak ah a biapi tuk mi cu ralkap hi an si.

Asinain kawl ralkap hi rampi humhak le kilven lo in ram hrawktu an si.Hi ralkap kan hrawh khawh ahcun Hluttaw thutden ah zatuak 25% zong an rawk lai. Hluttaw ah ralkap an um ti lo ahcun kawlram chung ramkheel tuahnak ah a tha hnem tuk ding mi a si lai. Ralkap cu mipi cozah tang ah a um ding ralkap kan ser lai. Phunghram hrawhding: Ralkap nih nawlngeihnak cu kan pek than hna aa kan ti zong ah Federal uknak ser khawhnak tiang nawlngeihnak a si lo ahcun atu ralkap dohnak hi pehzulh ding.

2008 phunghram vial hrawh loin nawlngeihnak lawng pek cu nawlngeihnak tling a si lo. 2008phunghram cu Federal democracy he aa kalh mi a tamtuk. Cun Miphun pakhat ca himnak in sermi a tam deuh caah a remh in remh cun kan buai chin lai. A hrawh in hrawh i a thar bak in suai ding kha kan ruah chih a herh. 2008 Phunghram tangah cun ralkap nawlngeihnak a tlau lai lo caah mipi cozah zong man ngei hlei lai lo. Hi Phunghram kan hrawh khawh ahcun ralkap nawlngeihnak kan hrawh khawh lai.

Hluttaw ah ralkap 25% a rawk lai. Ralkap sermi Phunghram cu anmah lawng nih duh poh in an hman, mipi nih cun kan hmang kho lo. cu ruang ah duh poh in nawlngeihnak a lak i ram uktu han zong a tlaihnak hi a si. hrawh hrimhrim a herh. Federal uknak: Phunghram kan hrawh khawh ahcun ralkap nawlngeihnak kan hrawh khawh ahcun tlangcung miphun vialte, hriamtlai he mipi he kan tanti ahcun kan duh mi uknak cu kan hmuh khawh hrimhrim lai. cucaah 2020 thimank result ning le a hlan cozah serning tiang lawng ralkap nih mipi sin ah aa kan pek than zong ah kan duh ding a si ti lo. caan tha lak in a dih um ek in Federal democracy caah ral do ko hna usih. By, Ro Lian. Credit: The Voice Of Democracy

Be the first to comment

Leave a Reply

Your email address will not be published.


*