ABIAPI TUK HIH, DELHI UM KAN CHUNGKHAT CHIMCIO HNA USIH

Ralrin Chin Chin Kan Hau. Tulio covid-19 pulrai hi a zual tuk caah kan siizung zong nizan in covid siizung ah an thlen. Mizaw an tam tuk caah a dang zawtnak ngeimi zong cohlan an si lo.Cu buin ihkhun a lawngmi zong a um lo. Zual tuk zongah siizung kai khawh lo dirhmun tiang kan phan kho.Zei rello phun in um hin hlah u si.

Keimah hmanh fak tukin a tuar cang mi ka si i covid rai khu vai pawng i tuaitam peng hi ka sia rem lo ngai. Sau tuk ka tuan cang nak siizung in chuah tiang ka lung a chuak.Khatlei ah doctor cu mizaw zohkhenh ding rian kan ngei fawn. Cu bantuk a har tak mi bia khiahnak tuah hi kai harh saling a si.Zei kan ti hnga..cozah nih lockdown a tuah lo zongah kanmah tein Delhi ummi cu kan i ralrin chinchin a herh ko.

Siizung ah kan unau a zual hma deuh thawng kan theih tikah a dam mi zong lungthin in kan tuar cio. Delhi ummi Chin miphun vialte hi covid pulrai chungin Bawipa Pathian nih teinak kan pe ko seh! Kan zapi te thlacam in kan i bawm hna lai. Credit: Dr. Pari.

Dr. Pari: Kan Facebook Ah Baibal Cacang Aa Tarmi Lawngte Kan Si Ko Caah Kan  Lung Tu Sau Deuh Seh – Chin World News Evening

Thawngpang Dang:Hakha ah Ralkap nih an Rak Tlaihmi Pa a Luat Hnu ah a Nunnak a Liam. Kan hnu February 24 zaan ah Hakha, Dawrthar sang ah ralkap nih an rak tlaihmi Ko Htein Lin Naing cu nizan ah a nunnak a liam, taih thawng kan theih.Ko Htein Lin Naing le a hawipa cu February 24 zaan ah thlalangawng in ralkap pawl a zoh hna ruang ah an rak tlaih hna.

Ralkap nih an taw ah fung in voi 3 veve an tuk hna i, February 29 ah an thlah tthan hna.Ralkap nih an thlah hna hnu ni khat a rauh ah Ko Htein Lin Naing cu pum dam loin a um i sizung ah aa piah. Sibawite nih, Rawl ei loin na um lengmang i na pawpi a phing” tiah an ti. Ko Htein Lin Naing he an tlaih vemi a hawipa nih, “A luak a luak i zinglei sml. 1:00 hrawng ah sizung ah kan kalpi. Rawl na ei bal lo caah na pawpi a phing tiah sibawite nih an ti.

Cu dih cun tlawmpal kan rak ttin tthan ko. Caan karlak ah zu a ding pah lengmang i pum dam loin a um than caah sizung ah kan kalpi tthan. Sibawite nih a thin phing tuk cang an ti. kan thlop manh ti lai lo an ti i, mahti cun a nunnak a liam,” tiah The Chin Journal ah a chim.A nunnak a liammi Ko Htein Lin Naing ruak cu nihin April 14, zinglei sml. 10:00 ah an vui tiah kan theih. Credit:The Chin Journal

Be the first to comment

Leave a Reply

Your email address will not be published.


*