NING ZAK TAKTAK AN SI. SALAI NIH ZAPI THEIH IN A VUN PHUAN HOI CANG AI

Salai Lungthlitum hi cu uar hrimhrim aum khotuk eh. Zeibantuk minung paoh sihna seh ningcang loin khua akhang i, lai a reltu cu zuah hrimhrim a tim ti hna lo. Pasalttha timi cu Salai Lungthlitum bak hi a si ko. Zeimaw zat an sining vialte a phuan cang hna. Asinain tutan ah phundang ngaingai a simi in a vun tthuak hoi. Atanglei hi salai cabia cu a si.

NLD na tanh i kan Chin miphun na dawt ve ko ahcun pumpak hlawknak lawng a kawlmi Pu Sui Thio, ralkap cozah hmanh nih eihmuar ruang ah a rian tiang an phuah balmi Pu Ngun Vung, tender bawh company ngeitu Pu C. Zacung le Pu Chan Ham, mah pumpak khua zawn lawng a ruatmi MP Nisuilian hna cu tanpi le mee pek awk an si lo tiah kei nih cun ka ruah.

Nain, Pu Tial Ling, Dr. Aye Aye Ngun, VP Van Thio le Sonny Thang Cung hna cu miphun a dawmi an si caah aho poah nih kan dirpi hna awk a si, mee kan pek hna awk a si. NLD kan tanh ruang menmen ah mifirkhu a si, ram hrawktu a si’ tiah kan theih ko mi minung mee pek i tanpi len cu hruh lakah hruh ngan bik a si ka ti. By Salai Lung Thli Tum

Relchih:Kan policy nan fir i 2020 thimnak ah teinak hmu dingin thimfung a kawlmi nan um ti asi ko rua. Party zong pumpak zong an ti. Ramkhel statement phunah plagiarism ipuh phunphai ka rel balmi umchun khi a hun si. Ruah awk khi a umter nawn i ciah zong khi a ka ciah. Fimnak academia vawlei ahcun plagiarism cu sualnak lianpi ah chiah asi tawn.

Intellectual property theft phun cu a serious ngaimi kha asi. Thimnak a lutmi candidates le political parties cheukhat cu a phuhrung zong maw an i phuhrung, Peace, Freedom, Social Progress, Equal Rights, Human Dignity te hna hi cu universal values an si. Democracy, Human Rights, Self-determination te hna zong global values an si.

UN Charter le Universal Declaration ah a ummi an si. Hodah a ngeitu asi? Vawleicung buu tam deuh hi cu The 8 Millennium Development Goals (MDGs) chungin asiloah The 17 Sustainable Development Goals (SDGs) chungin asiloah Human Rights-based Approach (HRBA) chungin asiloah Gender Mainstreaming chungin project le program a phunphun a ser i a ṭuan ciomi le buu a dir ciomi khi an si.

Cu ṭuan dingah ahodah nawl hal a hau? Tlangcung miphun kan dohthlennak tlaihtleng tungtlang hna cu: 1947 Panglong Conference, 1962 Taunggyi Conference, 1992 Marnerplaw Agreement, 1997 Mae Tha Raw Tha Agreement, 1998 Thoo Mweh Klo Declaration, hna chungin a chuakmi an si. Tlangcung miphun nih tuni “Federal Principle” kan itlaihmi hna hi cu: kum 1947 Aung San Federal mu 10.

Kum 1947 SCOUHP (Maymyo Enquiry) Federal mu 7. Kum 1962 Shan Federal mu 5. Kum 1990 UNLD Federal mu 7. Kum 2005 Mæsot Union Day Federal mu 8, hna chungin an si. Hi tlaihtung le policy ah hodah Intellectual property rights a ngeitu asi? Tuni Chinmi ramkhelbuu tampi hna dirpimi tlaihtleng hi cu: 1947 Panglong Conference, 1962 Taunggyi Conference, 1973s Proposal of the Chin Youths, 2004 Victoria Agreement and Chin Consensus Building Seminar, 2013 Chin National Conference le 2017 Chin National-level Political Dialogue, hna nih dirhmun tungtlang a thlakmi le a chuahpimi an si.

Tuni Chin ramkhelbuu tampi hi cu: Self-determination (kum 500 leng pupa chan i kan rak ngeih balmi kan kokek covo), Democratic System (kum 1948 Falam Conference ah pupa hna nih an rak ithim cangmi uknakphung), Federal System (kum 1947 Panglong Conference ah pupa hna nih an rak nemnget fehter cangmi hruainak phung) kha lak ṭhan dingin ram a hraangmi le ram a khelmi ngawt khi an si. 1896 Chin Hills Regulation Act, 1948 Chin Special Division Act (Chin Act) le 2013 Chin Customary Law (review) zong kha kan ngei hna lengah 2008 The Fifth Initial Draft of the Chinland Constitution zong kha kan ngei.

Cun 1996 NCUB Future Constitution of Federal Union of Burma (draft) le 2017 FCDCC The Federal Constitution of the Federal Republic of the Union of Burma (draft) zong kha kan ngei. Biahalnak cu: mah hna hi hodah kokek a ngeitu asi? Tlaihtleng le policy caah a dirpi duhmi nih ahodah hal a hau? Dohthlennak tuah lioah dirpi dingmi tlaihtleng le policy kongah intellectual property rights a um kho maw? Ruah-awk khi a um len.

Kum saupi a kal cangmi History of the Chin Federal Movement ah policy he pehtlaiin intellectual property rights kongkau a voi 1nk question a chuakmi asi men lai. Hmaileipi tiang tuanbia ah a tang te dingmi bia phun khi a hun si. Plagiarism Detection Software” le kan hun ngei hna lo, CNF nih an chimmi hi thil dang deuh hna asi hnga maw ti kan thei fon lo. Fiang deuh lawlaw in hal ahcun a ṭha ngai dingmi khi asi. Credit: Salai Van Lian Thang

Be the first to comment

Leave a Reply

Your email address will not be published.


*