A SUNGLAWITUK EE, HAKHA AH THIL A CANGMI UPAT TLAKTUK A SI

Pearl Store (2) Ngeitu U Zi nih Dawrkhaan Alak in a Hlanh Hna.Hakha khua, Pearl Store (2) a ngeitu U Zi nih dawrkhaan a hlanhmi hna chungkhar pahnih cu dawrkhaan man lak loin alak in a hlanh hna caah dawrngeitu Saya Khup Pi le Lian Lian nu nih lunglawmhnak an langhter.Nihin zinglei ah saya Khup Pi le Lian Lian nu dawrkhaan man pek ding in U Zi sin ah an vung kal i U Zi nih atulio boruak ruang ah har cio a si i, tu thla cu man loin kan hlanh hna, tiah a rak ti hna.

Saya Khup Pi nih, Tu thla cu free in si ko seh aa kan ti. U Zi tlawmpal tu kan tthum law kan i pek ko lai kan ti zong ah atulio kan boruak ah cun ahopaoh harlefe in khua kan sak cio hna lio a si. Tu hnu hmailei zong ah kan boruak sining zoh in kan kal te hna lai. Tu thla hi cu free in si ko seh a kan ti, tiah a chim. U Zi dawrkhaan a hlangtu saya Khup Pi hi thla khat ah 120,000 hlan man a pek tawn i, Lian Lian nu hi khaan hnih a si caah thla khat ah 240,000 a pek tawn.

Atulio kan sining ruang ah dawr kai loin kan um tik ah dawrkhaan man pek ding kan ruah ah kan lungre a thei i, kan khing a rit tuk tawn. U Zi nih atu bantuk in a kan tthumh dih tik ah kan khing a zaang dih i kan i lawmhnak hi hmurka hmanh in chim khawh a si lo. Hi bantuk lungput hi Laimi nih kan ngeih cio a herh, Pathian zong nih a duhmi a si, tiah saya Khup Pi nih The Chin Journal hmang in lunglawmhnak bia a chim.

May be an image of outdoors

Thantlang ah Minung 87 an Check hna i Minung Pakhat Lawng COVID-19 Positive.Nihin (August 10) Thantlang ah minung 87 COVID-19 zawtnak an ngeih le ngeih lo an check hna i, minung pakhat sin lawng in COVID-19 zawtnak hmuh a si. 87 chung ah 35 hi ahlan an rak check ciami hna an si i, ahohmanh zawtnak an ngei lo.

A dang aa check tharmi minung 52 chung ah minung pakhat positive a si. Thantlang khuachung COVID-19 Positive a simi hna lak ah COVID-19 mizaw he pehtlaihnak a ngei ballomi hna zong an i tel caah ahopaoh i ralrin khun ding in ttuanvo ngeitu nih thawng an thanh. Credit: The Chin Journal

Be the first to comment

Leave a Reply

Your email address will not be published.


*