A POITAKTAK SI. TULUK A UMMI KAN LAINU SINING VIALTE AN PHUAN DIH

Kan unau Mizo pawl cu kanmah Lainu cungah an lung afaktuk hringhran. Asining zong dottletnak an tuah dih hnu ah mipi theih in an langhter. Kan unau Mizo pawl tutan ah an lungfahnak aruang bik cu kanmah Lainu nih lungfahnak in bia achim caah a si. Kan theih cio bangin atu hi Mizoram le Assam cu ramri kongah biatak tein buainak a chuah liopi asi.

Hi buainak konghe pehtlaiin Tuluk ram ah a ummi nu pakhat nih mizo pawl cu video hmangin avun tthuat hna. Atimi cu Mizoram pawl cu vaipawl nih an tthawl tthan hna lai. I Ceituk Uh, ram zong nan ngei lo tiah ati hna. Asining an dottlet hnu ah hitihin an langhter. Mah nu hi ahodah asi? Chakma nu asi ko lai atimi zong an um, Cun Laimi asi ko lai atimi zong an um.

Sihmanhsehlaw mah minu hi Kawlram Laimi, Chin Nu asi timi kan theih. Mah minu hi Kawlram Tahan pawngah a ummi Myohlah pawngte Chekan khuami asi i, Lai asi. Mizoram ah va angei i, fa pahnih zong angei cangmi a si. Cu hnu ah a vapa he an i tthen i, Tuluk ah hlawhfa dingin a kalmi asi. Atuhi Tuluk ram ah a um lio asi. Mizoram a um lio ahcun Lal Hma Ngaih tiah ai auh. Alai min zong aum ka zumh.

Mizo holh zong a thiam ngaingai i, thatein ngeihtu ahcun aholh peinak atam ngaingai. Amah nih mizo ka si lo, Falam mi ka si tiah aiti. Mizo ka si lo atinak hi amah nih attialmi zongah a um. Zu aram ngaingai mi asi i, Live video zong tampi aa thlah cang. Zu arit lio le bangah cun nupa diriamhnak kong zong a chimmi asi. Cun zu a rit ahhin zeihmanh ttihmi zong angei lomi asi.

Zeipaoh sisehlaw, a duh le zu cu ri ko seh, kan i ceih khawh ding asi lo. Asinain apoi taktak mi cu miphun pakhat sinak hrawh le dohkalh phun bia a chimmi hi, a miphun huap in i namhneih nak video tiang avun timi hi apoi ngaingai mi asi. Hmailei ahcun tuah ti hlah sehlaw attha. Kawlram chungah a ummi kan unau sualnak ngeilo tampi an um i, anmah tiang in a hnursuan mi hna hi cu apoi ngaingai.

Mah nu nih a chimmi hi mipum pakhat sinak tiang ahnursuan khawh mi thil asi caah asi khawh chungin dottletnak kan tuahmi asi i, a nehnang kan zulhdawi hnu ah Tuluk ah a ummi a hawinu pakhat kan chawnh khawh i, asining kan vun langhter mi asi. Amah hi Youtube zongah Mizo nu hur timi tlangtaar hna in video athlahmi asi. Mizo timi ahmanmi zong hloh ding an ti rih.

Note: Mah cabia hi atawinak in kan vun langhtermi asi. Mizoram facebook Group ah an thlah i, mipi an thinhung ngaingai. Group pakhat te hmanh ah comment hi 500 renglo an si i, an lungfahnak an langhter cio hna. Credit: MZN

Be the first to comment

Leave a Reply

Your email address will not be published.


*