A Poi Ko : Ralkap Nih Kawlram Mei An Hmih Dih Cang.

Kawlram Ralkap Nih Mei An Hmih Dih Cang.

Nihin March 5 Chun nazi 1:00 bak ah Myanmar ram pumpi Electric vialte Ralkap nih an hmih dih.Zei thawngthanhnak pakhat hmanh um loin an hmih caah mipi an khuaruah a har dih cang.
Electric lei Rianttuan tu Bawi pawl zong Phone in chawnh khawh an si loh tiah theih a si.
Ralkap nih zeidek tuah an timh cang i a si lai. Rak i ralring cio uh tiah BBC nih a van chim.

Naypidaw Ah Palek Minung (70) Deng CDM Ah An I Tel

Naypidaw council hmunram ah Civil Disobedience Movement (CDM) cawlcangh nak ah aa telmi palek minung (70) deng hrawng an si cang tiah CDM tuahtu pawl a bawmtu phu pawl sin in theih a si.

Tuchun March 3 ni ah Naypidaw, T’atkung peng ah rian a t’uanmi palek minung (8) nih mipi lei ah t’angin CDM ah kan i tel tiah social media cungah mipi theihter nak an tuah.

Naypidaw Ah Palek Minung (70) Deng CDM Ah An I Tel

Mizaan March 2 ni zong ah Naypidaw, No. 18 palek phu ih Duh-ye-uk Myo Min Thu, t’at-ta Khun Chit Maung, Myo Hlaing Win le Aung Naing pawl cu ralkap kuttang ah riant’uan kan huamlo caah CDM ah kan i tel an tiih rian chuahtak nak ca an tial.

Mandalay ramkulh chung ah rian a t’uanmi palek mi cheukhat pawl zong nih ralkap kuttang ah riant’uan kan huamlo caah mipi lei ah t’angin CDM ah kan i tel tiah ca an t’ial ih CDM ah aa telmi an um pah lengmang cang.

February 1 ni ah ralkap nih rampi thu neihnak Aana a ting caah mipi pawl nih khuakip ah ralkap duhlonak sandah an piah lengmang ih cozah zung riant’uantu minung tampi zong CDM cawlcanghnak ah an i tel ih sandah zong an piah lengmang ve. Sandah piahtu mipi pawl cu ralkap le palek pawl nih meithal he an kah lengmang hna caah minung (30) lenglo nunnak a liam cang.

Ref. BBC News.

 

 

Be the first to comment

Leave a Reply

Your email address will not be published.


*