A NUPI ZONG A LUAT TI LO, CAWL KHO LOIN AN TUAH VE CANG

Lainawng lutlai Min Aung Hlaing nupi Daw Kyu Khu Hla zong dantatnak an tuah cang. US nih dantat phihkharnak a tuahmi chungah Min Aung Hlaing nupi telh in adang rawlbawi chungkhar 15 hna cu phihkharnak an tuah hna. Cun Military Council ah aa telmi Civil minung pasarih le Company pathum hna cu an ngeihmi thil vialte tawng kho lo dingin US nih a kharpiak dih hna.

Hi konghe pehtlaiin tuan deuh ah US nih Military Council hruaitu lutlai ralkap tthenkhat hna cu an ngeihmi thil siseh an tangka zong la kho lo dingin phihkharnak an rak tuah cang hna. Culawng siloin Myanmar Military Council siseh ralkap hruaitu hna sin ah bawmhnak apek tawnmi company pali hna cu a khar pin ah action lak ding cazin zong an telh rih hna.

Company pali hna cu Wanbao Mining Ltd. le company he aa pehtlaimi 2; Myanmar Wanbao Mining Copper, Ltd., Myanmar yang Tse Copper, Ltd hna an si.Hi konghe pehtlaiin US Foreign Minister Antony Blinken nih a chimmi cu kawlram democracy asi khawhnak dingin a si khawh chungin rian ttuan a hau tiah naite ah khan a chim.

h10

Thawngpang dang: Khuabawi a kaptu cu kanmah kan si tiah ZERO phu nih thanhnak an tuah. Minchan ah khuabawi cu meithal in an kah. Hi konghe pehtlaiin khuami nih an chimmi cu Tuni July ni 4 zinglei nazi 8 leng hrawngah Minchan khua No. 19 sang ah a um mi khuabawi pa cu a umnak inn ah meithal in kah a tong tiah khuami hna sin in theih asi.

Khuabawi pa an kah hi Zung ah si loin a inn a um lio ah kah a tong hi a si. ထောက်ခံစာ lak kan duh tiin innchung ah cun an lut I meithal in an kah. A thih cu a thi lo tiah kan theih. Tlawmpal ah ralhrang kawlralkap an rak phan I hlathlai nak an tuah tiah khuami pakhat nih BBC thawng zamh nak ah a chim.

Khuabawi pa kah a ton mi konghe pehtlai in Minchan khua I a um mi ZERO phu timi mipi lei hriamtlai phu nih kan mah nih kan tuah mi asi tiin an facebook page ah an langhter. Hi konghe pehtlai thiamthiam in Chun nazi 11 hrawng ah Minchan No.8 sang ah ralkap nih an hman mi mawtaw cu mibu pakhat nih meithal in an kah len tiah khuami hna sin in theih asi.

Be the first to comment

Leave a Reply

Your email address will not be published.


*