A NUAM LAI HIH, RALTTHA TAKTAK IN A PHUAN COLH

Reinier de Ridder nih Aung La Nsang a tei khawh bak in fiang koin thanhnak atuah colh. Aa zum chin lengmang cang, Reinier de Ridder cu Aung La Nsang a tei hnu ah biahalnak an tuah. Mah hnu ah hin tah a hodah a si lai tiah biahalnak an tuah i, lehnak a tuah mi cu Brandon si lai tiah fiang ko in a chim. Ati rihmi cu Brandon nih a ngamh ahcun a ralaimi thla ah a si lai tiah a chim.

May be an image of 2 people and people standing

Tuzing an i phomhnak kong Aung La Nsang A Sunghnak a ruang a ttialmi si. Atu ning ahcun Aung La Nsang nih zeitik hmanh ah Ridder hi a tei lai lo timi hmuh khawh asi. Tutan Aung La Nsang a sunghnak a ruang bik zong a zeidang ah asi lo. Ridder nih a tleih lengmang mi aa run ven khawh lo caah asi. Tleih lo bak cun Aung La Nsang nih a tei hrimhrim lai timi hi zakhat ah zakhat in a fiang mi a si.

Tutan an i thuatning kha thatein zoh uhlaw, Round kip ah Aung La Nsang a cawlmanh ballo. Round an vun thok bak in direct in a tleih colh lengmang. Ridder hi zapi nih theihcio bangin mi tleih athiam ngaingai mi a si i, Mi a teinak tawn zong hi mitleih in a thok peng. Aung La Nsang zong a tleih khawh peng. Aung La a sunghnak bik a ruang cu Ridder nih a tleihmi aa run ven khawh lo caah asi.

Aliamcia nikum an rak i thuat lio ah khan cun Aung La Nsang a cawl manh bak lo. Asinain tutan utu cu a hlannak in aa ning tuk cang. Round 5 ning tein an i phomh kho. Ridder nih Round Kip ah a tleih khawh peng nain a mih lem lo. Aung La Nsang nih Ridder kha tlai in teng kho ve sehlaw cu Ridder kha fak ngaiin atuah pin ah atei fawn lai. Aruang cu voihnih Aung La Nsang nih a vun leh ah khan a cawlcang kho ngaingai.

Ridder nih a tengh in a nenh peng ko nain a mih kholo. A cunglei ah langhter cang bangin Aung La Nsang a sunghnak aruang bik cu Ridder mitleih kha aa runven khawh lo caah asi. Aung La Nsang cu tutan ah sunghnak a hmuh tikah a taisawm zong a sung cang. Nikum ah khan a taisawm a rak sung tthan rih. Tutan a sunghmi taisawmh hi Light Heavyweight World Championship asi.

Be the first to comment

Leave a Reply

Your email address will not be published.


*