A BIAPI TAKTAK, KAN CHUNGKHAT CHIM CIO HNA USIH, RALKAP NIH THANHNAK AN TUAH

Hi thawngpang hi abiapi taktak mi a si caah mipi vialte nih an theih khawhnak dingah share tuah cio hna usih. Abik in Vanzang tlang thluan a ummi vialte hna nih theih aharh taktak mi thil asi caah kan chungkhat cingla rualchan vialte hna zong chim cio hna usih. Culawng siloin Vanzang tlang lei ah khual tlawn aa timmi hna zong nih theih bak a hau.

Tutan ah thawngpang an thanhmi hi ralring taktak cio ahau mi asi. Ralrin tluk in a ttha mi a um lo. Cucaah pakhat le pakhat i chimcio hna usih. Zaan khua muih hnu ah Vanzang tlang lei ah a kal mi le Vanzang Tlang in a rak lut mi paoh kan in Kah cang hna lai tiah Sopum khua ah a ummi Ralkap nih order an chuah tiah The Chin Light nih a tar langh.

Hi kong he pehtlai in The Chin Light nih a taanglei bantuk hin a tarlangh ning a si. Zaan khuamui hnu in Vanzang tlang in Thantlang lei ah a kalmi minung paohpaoh Ralkap Ralhrang Sopum ummi nih kan in Kah cang hna lai tiah nawl an chuah tiah kan theih. Atu bantuk Ralkap Ralhrang nih nawl an chuah hi April 19 in a si i, Vanzang tlang lei ah a kalmi minung sin ah nawl an chuahnak thawngthanhnak le theihternak an tuah.

Vanzang tlang hi Vanzang ram tiang Chimmi hriamtlai Hna umnak ah hmunhma rak pek mi a si. Myanmar ram Buainak hnu ah Vanzang khuakamh Sopum khua in Ralkap Ralhrang minung Cunglei nih an chiah peng hna I, Vanzang tlang lei a kalmi hna le Vanzang Tlang in a rak kir mi hna paoh Checknak an ruahpiak hna. Source The Chin Light

No description available.

Thawngpang Dang: Kachin ramkulh, Phakanh peng ah a ummi Myanmar ralkap sakhaan pahnih cu KIA nih April 18 zaan ah an lak hna, tiah theih a si. April 18 ah KIA nih Phakanh peng chung i Myanmar ralkap sakhaan pali an doh i Nam Jan khua ah a ummi sakhaan le Tang Gau Bum timi tlaang cung ah a ummi sakhaan an lak hna.

Khuami pakhat nih, Zaanlei Suimilam 5:00 hrawng khan kahdohnak a chuak. Suimilam pakhat hrawng pehzul in an i kap i an i din. Cun, an i kap tthan. Myanmar ralkap sakhaan pahnih KIA nih an lak i atu hi a dang sakhan an doh tthan, tiah Kachin thawngzamhnak ah a chim.Sakhaan pahnih an lak hnu ah Tan Kaw Bum timi,

RC Thlacamnak tlaang ah hmun a khuarmi Myanmar ralkap le Ginsi Hall khua i ralkap sakhaan lak ding in KIA nih an doh cuahmah hna. Myanmar ralkap lei nih Phakanh ralkap sakhaan tlaang cung in miakpi pawl hmang in a lang in KIA cu pehzul in an kah ve hna, tiah Kachin thawngzamhnak KNG nih a ttial. Credit:The Chin Journal

Be the first to comment

Leave a Reply

Your email address will not be published.


*