Ngaihchiatnak Thawng. Rawl-ulh in thla a camnak ah a nunnak a liam. Nungak V.Lalsangzuali Masangi tiah auhmi cu Ni 67 chung rawl ei loin thlacamnak in caan a hmang. Amah hi zunthlum zawtnak angeimi zong asi i, Ataksa nih a tlinh lo caah Nizan zanlei amuih hnu ah khan Civil Hospital ah chiah a si i, tuzing suimilam pali hrawngah a nunnak a liam tiah thawngthanhnak an tuah.
Amah hi Mizoram Lunglei Ramthar veng ah a ummi a si. Hi konghe pehtlaiin a chungkhar hna nih an chimmi cu ni 50 hrawng hi rawl a ei ti lo tiah an chim. Tutan ah Lalsangzuali nih a biapi in thla a cammi cu kan ram rawhralnak le zawtnak tlangrai chungin luatnak ding caah timi hi a si tiah an chim Amah hi KTP le YMA hruaitu rian zong a rak ttuanmi a si.
Culawng siloin khuatlang i hruainak le biaknak lei zongah a pum aa pe ngaingai mi pakhat zong a si. Kan ram le miphun damnak ding caah Pathian sin ah kun in thla a camtu a si. Hi konghe pehtlaiin Lalsangzual i hi kum 50 a si cang i, a ruak zong tuni ah vuinak an tuah lai tiah thanhnak an tuah chih. Tantaakmi chungkhar bawipa nih nan ngeihchiatnak in hnem ko hna seh. SR
Leave a Reply