ZUAL KO: LAIMI KANPA REV. LAI RAM HU NIH MUAL AA KAN LIAMTAK

Rev. Lai Ram Hu nih A Kan Liam Tak. Chin miphun sersiamnak acawlcang pengmi, Bia le hla in bochanmi le biaknak le peng ihruainak lei bochanmi Rev.Lai Ram Hu cu pumsa ngandamlonak in March 28, 2021 zinglei sml 4:30 tluk Mandalay siizungah hi Vawlei nunnak in a kan liam tak.

May be an image of 1 person and standing

Miphun caah pekmi afapa Cadet John Biak Tin Lian cu 2014 November 19 Kachin ram ah Ralbawi sinak a cawnlio ah Kawl ralkap kahnak in a rak thi. Chin Miphun phungtungtu Rev. Lai Ram Hu philh na um lai lo. Tantakmi Chungkhar kan in ngaihchiatpi hna. Pathian nih in hnem hram hna seh! TCP Chungkhar. Credit: The Chinland Post

May be an image of 3 people and text

Thawngpang dang arel rihlomi caah: Kum 20 telawng a si rihmi, High School kai lio, Tommy Lee cu 2017 ah khan Washington State, King County ah palek nih meithal in a hnulei in an rak kah. Palek officer Molina nih a chimnak ahcun Tommy Lee nih namte a ken caah ka kah tiah a ti. Asinain tha tein chek hlatnak an tuah tik ah Tommy Lee nih zei namte hmanh a ken lo, a kenmi cu cafung pakhat telawng a si an ti.Tommy Lee chungkhar hna nih palek cu taza an cuai hna i tuchun ah King county palik nih US dollar million 5 bak an liamh hna.
US i minung man kan ngeihning, Kawlram vial i palek le ralkap nih sualnak ngei lomi rammi hna ur le ar thah i, an hei thahning hna, minung man pia khat manh hmanh a siter loning ruah tik ah lungfak tuk hringhren.Kawlram cozah tangah a ummi kan miphun hawi hna temtuarnak ruah ah lungfak tuk. Minung thinlung a ngei lomi, saram lungthin hmanh a keng lomi, hriannam lawng a bochan mi, Min Aung Hlaing le a hnuzul pawl nih rammi hna chungah an tuahsernak vialte anmah lila nih an thih hlan lo, an liam ve le an tuar ve hrimhrim a herh.

Be the first to comment

Leave a Reply

Your email address will not be published.


*