ZUAL KO. FALAM AH PI ZA ZAWN KAI NIH MUAL AA KAN LIAM TAAK

Falam ah COVID-19 in Pi Za Nawn Kai mual a liam. June 18, Falam sii-inn ah COVID-19 zawtnak in Pi Za Nawn Kai mual a liam. Pi Za Nawn Kai (kum 79) cu Falam sii-inn 1:00 AM hrawng ah a thaw a dih i Falam Volunteers Mino hna nih zinglei 7:00 AM hrawng Laampa thlaanmual ah an vui. Falam ah hin June thla chung ah COVID-19 in a zaw mi dihlak 102 an si cang.

COVID-19 in Falam peng chung ah a thi mi hna cu: June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67), June 16 ah Mai Lal Muan Kim (Kum 27) le June 18 ah Pi Za Nawn Kai (Kum 79) hna an si. Credit: The Hakha Times.

May be an image of standing and outdoors

Thawngpang Dang Relchih:AA nih June 16 le 17 ni 2 chungin ralhrangbu bawi hna telh in an tlaihmi minung 23 an thlah than hna tiah theih a si. Minung 6 hna cu June 16 ah Myauk-o peng Kyaukkyat khua ralhrangbu kut ah an pek hna. A dang 17 hna cu June 17 ni ah Butitaung peng Teitaungpyi khua Tatmah 22 tang LIB 210 tatyinhmu Lt.Col. Aung Zaw sin ah an pek.

An thlahmi chungah 2019 october thla 26 ah Sittwe in Butitaung lei a kal mi Shwenadi tilawng ah an tlaihmi 58 lakah 14 an i tel, nikum ah kan thlah mi hna he cun kan sin ah a ummi an um ti lo tiah AA chimnak nawlngei Khaing Tu Khat nih a chim. Atu bantuk an tlaihmi hna an thlahnak kong he pehtlaih in Khai Tu Kha nih “kaphnih kan i chawnh hnuah an rak don hna i kan thlah piak mi hna an si, kan i pehtlaihnak ah thanchonak pakhat zong a si” tiah a chim.

Rakhain ramah kahdaihnak hi a tu thla 7 a si cang. AA le ralhrangbu hruaitu cheukhat chawnhbiaknak an ngei pah lengmang tiah theih a si i, March 11 uknak latu ralhrangbu nih AA cu ralhrangbu si nak in a zuh piak hna. Cu hnuah ralhrangbu nih AA hruaitu Bochok Tun Mya Naing naupa le a naunu le a naunu pasal hna telin ralhrang upadi he tlaihmi tampi a thlah piak hna hnuah AA lei zong nih atu bantukin an tlaihmi hna an thlah piak ve hi a si. Ref; TCP

Be the first to comment

Leave a Reply

Your email address will not be published.


*