Zeitheilo Hngakchia Pawl Le Pastor Pa Tiangin Mah Ti Hin An Tuah Cang Hna.

Ralhrang ralkap hna nih tuzan tlai hnu ah Pastor pakhat le Ngakan/Ngadi hngaktu an tlaih hna tiah theih a si. Hi konghe petlai in an chim nak ah cun Pinkhungkyi khua Pastor pakhat le Ngapiotaw khua pawngah Ngakan a hngaktu pa pakhat hna cu tuzan zantlai hnu suimilam 10 hrawngah ralhrang pawl hna nih an va fuh hna i an tlaih hna tiah mit hmutu hna nih an chim.

Pinkhungkyi khua ralhrang ralkap Sakhan ah thil umtu ning kherhlai nak an tuah hna hnu ah Pastor pa cu thlah a si na in Ngakan cawngtu pa belte khua zei an chiah theih a si loh.an tlaih hna nak a ruang bik cu Ngakan a hngaktu hna sin ah CDM hruaitu pawl hna cu an i thut nawk,hi kongah Pastor pa zong i pehtlaihnak a nei ti kan theih caah kan tlaih mi hna an si tiah ralkap Sakhan nawlngeitu hna nih an chim.

Tuzan tlai hnu sumilam 10 hrawngah kawl ralkap minung 70 renglo hna cu Ngapiotaw khua an rak phan.mipi tlaih khinh ding an kawl hna tik ah mipi nih dai tein an um ruangah tlaihkhih a tong mi an um lo hnu ah a tu bantuk in Ngakan cawngtu le Pastor hna hi an tlaih hna.Pastor an tlaih mi hi a kum khua in a upa cang i thawngpang deuh deuh nak hmun kawl in Ngakan cawngtu sin ah ai dor lio ah an tlaih. Ngakan hmunhma chungah ralkap nih Air gun 2 meithal an tlaih.

Khua chung Ngakchia hna cu an pumh hna i ralkap nih fung hreu he thil sining nan chim lo ah cun kan in tuk den hna lai tiah hrocen pah in bia an hal hna.Ngakchia hna nih zei hmanh chim ding an theih lo caah minung pakhat ah thong khat 1,000 cio an pek hna i bia an hal hna.cu hnu zongah zei hmanh chim ding an thei lo.saupi an hrocer hna hnu ah Pastor pa he Ngakchia hna cu an tlah hna.Ngakchia phaisa an pek mi hna hi a dih lak ah 16,000 renglo a si.Pastor pa hi Khohsuai thuk 5 le datsi man 10,000 an pek hna hnu ah an lawiter hna tiah kan theih.

Be the first to comment

Leave a Reply

Your email address will not be published.


*