ZEIRUANG AH DAH CHIN COZAH HI JCB COZAH AN IN TI HNA? MC BIK LIAN

Kum 2015- 2020 Chin State Ah NLD Cozah An Rianttuannak Question and Answers: Zei tin dah CNLD nih အာဏာ nan သိမ်း khawh lai i? A tang lei i Bia halnak le Bia lehnak khi rak rel ve ko hen. Halnak: Zei caah dah Chin State NLD Cozah hi JCB Cozah an in ti hna? Lehnak, Hakha, Falam i Misifak pawl Inn le Loram JCB hmangin kan hrawh dih ca’ah si dawh si.

Halnak: Ziah, kan farnu Thantlang Khualu bo lam kam nan phunnak zongah JCB in an cawh an in ti tung hna? Lehnak, Aaa, kha kha cu Thantlang Covid bawi pawl nih Zaantim ah a thlithup in an Cawhter mi asi ko khah. Halnak: Mipi nih 2015 ah NLD MP pawl Vote pek in kan thim hna nain, MP an si hnu ah kan khua lei vawikhat hmanh an rak kan zoh ti lo an in ti tung hna? Lehnak, He he, Hi cu MP, Minister pei kan si cang cu.. an Khuabawi pawl le Arsa ei tti pawl sinah puantang thil kan pekah zacang ko hen cu.

Halnak: Ziah, Hakha i Timit dinti laknak hi Kum8 bakte Ks. 8.8 billions dihin nan tuah i, tuchunni tiang Hakha Khuapi chungah tlamtlingin dinti nan pe kho rih lo nak sullam hi si? Lehnak, USDP Pu. Hungngai te nih Japan Company an pek lo ruangah le Kawl Company kan pekmi le Mi lolak pawl nih kan awk dih cicek cang.

Halnak: Ziah, Gankaw ramri i Bungzung ramah Kawl Company pawl sinah Ram nan zuar pinah, NLD Ministers/MP pawl hmun Ram an i pek dih an in ti hna tung.. Zeitindah? Lehnak, Kan NLD Nawlneihnak”မြေလွတ်မြေရိုင်းများ” ningin, Kanmah Arsa ei tti pawl ca’ah kan paw cawmnak ah pei kan herh ve cu i…. Halnak: Zeitindah Hakha thar i iinnhmun thar kan samh lai nan ti fawn, nan pek dingmi pawl sin ah Ks.Sing 300- 500 nan hal tha’n hoi hna kun? Lehnak, Kan NLD Funds ca le kan Pokect money caah kan herh ve hen cu.အလကားနဲ့ဘာမှမရဘူး.

Halnak: Ziah,Lailianpi Khuate ah Air-Port nan tuah duh..a ho nih dah aa cik lai i? Lehnak, Aa hi hi cu Ralpi Pathumnak hna a tho sual ah Chinmi kan zamnak ding ca’ah kan ti. Halnak: Zeitin, Thantlang i Covid Kawl bawi 2 hna khi Mipi nih kan thial piak uh an ti tung? Lehnak, Chin State NLD bawi Pakhat Pa nawl asi ko rua. Midang pawl kan holh ngam loh. Than tlang Biakinn hna ah a pum ve len rua an ti.

Halnak: Falam Surbung Airport pawngah ဂေါက်သီးကွင်း le Kawl စေတီ siam an i tim an ti mi hi teh, a ho nih dah ဂေါက်သီးရိုက် lai nan ti? Lehnak, Aa.. hi hi cu Mipi hlennak ah kan ti mi asi. Kawl Pura (စေတီ) siam kan duh ca’ah asi. Halnak: Ziah, Falam peng Bualpi Khua kha NLD nih JCB in nan hrawk piak dih i, Kawl Company pawl nan cawk ter hna? Lehnak, Kan NLD Policy ningin”မြေလွတ်မြေရိုင်းဥပဒေ in Kawl Company sinin Poisa hmuhnak tha bik asi ca’ah si ko.CM Pu.Lianluai nih a theih lai.

Halnak: Ziah, Chin NLD Cozah nih Khrihfa Biakinn pawl hi Laisen( Liaison) thitha in nan pe duh hna lo.. Kawl Pura( စေတီ) vial Laisen tha te’in nan pek dih ko kun? Lehnak, Annih cu Central NLD Cozah lei in pei rak pe dih hna uh, nan pe hna lo ag cun, nan cei lai an kan ti cu.. Kannih Khrihfa tham cu mah le mah kan si ko i, Bible ah pei” na ral va daw hna” ti sikha.An kan ngaihthiam ko lai ti’ah kan ruah.

Halnak: Khah Si le, a donghnak ah Chin State NLD nih 2020 election ah Mipi sinah zei dah bia cah duhmi nan ngei? Lehnak, Aaaa.. Zei Pipa caah ding kan nei lemloh.. Ningzak tuk kan si i, 2020 ah cun, Chin Mipi nih rak kan VOTE ti hrim hrim hlah uh.. Ziah kan ti ah cun,NLD kan tlin tha’n sualah cun Chin State ah EIHMUAR nak le HLENNAK a karh chin chin sualnak hnga lo NLD cu VOTE rak pe ti hlah. Credit:MC Biklian

Be the first to comment

Leave a Reply

Your email address will not be published.


*