ZEIKO DAH A CANG TIAH TUNI CAKUAT KA VUN ZOH CU

Paul Lian: Ni thum chung pehtlai in messenger in a ka call peng. Ka tlai bal lo. Tuni cu zeiko dah si hnga tiah ka tleih i ka u nan sin ah rat ve kan duh na kan bawm kho hnga maw tiah bawmh a ka hal. Ziah zei ko dah bawmh nan herh? Kan bawmh khawh mi hna a um si cun ka ti khawh tawk kan bawmh ko hna lai e ka ti. Bawmh hal kan in duh mi cu kan ram boruak a tha lo tuk ti kan hmuh tik ah kan celh hrim ti lo.

Nan sin ah rat ve in kan ram le miphun caah hriam naam/meithal i tleih in training kai ve kan duh e a ka ti ka lau ko. Ka nau kei hriamtlai ka si lo e tiah ka leh. Ka u ziah asi kun ah na hman thlak tar mi kan zoh tik ah kan miphun le ram caah nunthap in rian a ttuan mi CNA ah pei kan in ruah cu a ka ti. Aw si maw kei cu CNA ka si lo. CNA upat pek nak caah hman thlak ka tar sawh mi asi ko lo maw tiah ka leh.

Ka u cuti si cun kannih hi Paletwa mi Chin mi phun kan si i Malaysia ah khua a sa mi kan si i CNA ah lut kan duh i na kan bawm kho hnga maw zei ti tal in a lam na kan kawl piak kho hnga maw an ti. Kan miphun caah nunthap in CNA luh khawh nak lam a um ko si cun min cazin ka rak la lai i ttuanvo ngei tu sin ah thawng rak kan thanh piak kho law kan i lawm tuk ko hnga e tiah ka hei leh than ve hna. Aho dah contract tuah piak hna ah a that hnga ruah nak van ka cheu ve te u law.Credit: Paul Lian

Relchih:Kawl ralkap nih february nikhat thok in thahrum hmangin uknak an lak mi ruangah Kawlram miphun vialte hna cu kan umnak ram cio in Kawl ralkap duhlo nak langhter in sandah piah cio a si. Nihin tiangah Kawl ralkap duhlo nak langhter ruangah a nunnak a liam cang mi hna hi an tlawm ti lo. Minung tampi nih hliamhma an tuar cang hna I minung tamtuk hna cu thonginn ah hren khumh an si hna.

Cu tlukin Kawlram miphun vialte hna nih Kawl ralkap kan duhlo ti langhter nak ah lamzawh in sandah piah cuahmah a si ko nain cheukhat cu ralkap leiah thazaang a rak pe mi zong an rak um ve rih hna.Cun a bikin kan Lairam chungah CDM a lut duh lomi hna le a thlithup in zung a kai mi hna an um ve rih ko hna. A hleikhun in chim ah cun Hakha le Thantlang ah zung riantuan mi kan Laimi an tamtuk rih hna.

Cu hna pawl cu Col. Solomon nih ralrin nak a pek hna. A rak tial mi cu a tanglei hi a si. CDM a tuah rih lomi hna theihternak. Nanmah lawng maw pawl a ngei. Na miphun hawi zeitin an hmai na khah hna? Paw ngei ve lo ah maw na ruah hna, paw loin na um sual lai. I ralring!!!” tiin Col. Solomon nih cun a rak tial hi a si. Hakha le Thantlang ah zung riantuan pawl zung a kai rih mi hna sinah a bikin ralrin peknak a si. CDM na luh ruangah rawltam in na thi hrimhrim lai lo.

 

Be the first to comment

Leave a Reply

Your email address will not be published.


*