ZEIHMANH AN TUAHMI A UM LO KAN TI MAW? HI BIAHALNAK HI TAH

NLD maw CNLD na duh mi ah vote na pek khawh, na pek mi vote pakhat te kha kan ram caah nun nak a si.Cu caah na pek sual (na palh)nak hnga lo tha tein khua na ruah hau.A cung lei he peh tlai in a tu hrawng kan lai media i a lar cemmi cu 2020 Myanmar ram thimnak ah Chin state ah NLD le CNLD ho dah na vote lai timi bia hi tam ngai kan hmuh hna i kan rel cio ko hna.

Mi tam u nih cun, tu kan cozah NLD cozah hi kan duh hna lo an rian tuanning a tha lo Chinram caah zeihmanh an tuah mi a um lo kan ti hna. A si ahcun bia pakhat hal awk a um mi cu atu kan Myanmar ram ah hin a hodah nawlngei bik tihi kan i fian ngai a hau.A ruang cu zei thei set sai lo in kan rak holh cio mi hi cu a dik thlu lo tiah ka ruah.

A tu kan ram(chin shate lawng si loin Myanmar ram huap in)uk nak hi အေထြေထြအုပ္ခ်ဳပ္​ေရးဦးစီးဌာန le ျပည္သူ႔ရဲတပ္ဖဲြ႔ nih an kan uk.An mah pa hnih cung ah hin ျပည္ထဲေရးဝန္ႀကီးဌာန a um. Cu ျပည္ထဲေရးဝန္ႀကီးဌာန i an president cu ho nih dah a khinh ti ah cun General Min Aung Hlaing nih a khinh. Cu caah cun tha tein van ruat hmanh uh rampi i a herh cem mi (အဓိကအုပခ်ဳပ္ေရး အခန္းက႑) a si mi ျပည္ထဲေရးဝန္ႀကီးဌာန hi ho kut tang ah a um ralkap kut tang ah pei um cu.

ျပည္ထဲေရးဝန္ႀကီး nih hin President bia maw a ngaih deuh la ral kap bia. Cu caah cun rampi uk nak hi nang le kei nih kan thim mi President sin ah a um ko tiin fiang tein chim khawh si lo.Cu lawng maw, si hlah နယ္စပ္ေရးရာဝန္ႀကီးဌာန le ကာကြယ္ေရးဝန္ႀကီးဌာန zong ralkap kut tang i a um mi an si tik ah nang lei nih kan thim mi President hna hi cu a min lawng ti uh si law cu kan palh hnga nain 100 ah 60 hrawng cu ralkap nih an uk rih ti hi thei hna u sih.

A kum in kum 50 reng lo an rak hrawh cang mi ram cu lawng hmanh za lion a tu tiang political(ႏိုင္ငံေရး) ah an um peng mi kan hmu,kan theih ko bu i hi kum nga chung te hna i ram a thleng lo zei hmanh than cho nak um lo kan ti i kan phun zai mi hi cu kan luan deuh ko.kum 50 le kum 5 hi a tluk ko nan ti si cun chim awk um lo.Caan tawi tein thleng kho ding in cun pathian le an si lo cun kawm(fang vui ေျပာင္းဘူး)hmanh a tu cin in a tu kan ei kho lo caan tlom pal hngah ve hau.

Kawm (ေျပာင္းဘူး) hmanh hngah hau mi kan nih minung chin chin cu chim hau lo kan si.Kan ram nih zei hmanh a kan tuah piak kho lo a ti mi pawl nan mah nih teh ram caah zei dah nan tuah ve ram nih zei dah a ka tuah piak la ti lawng bawh (ruat) lion ram caah zei dah ka tuah khawh la ti teh nan ruah pah. Cu caah cun NLD cozah nih an rian tha tein an tuan lo ti loin tu hnu kum nga(term khat )hi cu an mah NLD ah hin vote pe rih ko hna uh sih.

Hi ti ka tial tik ah CNLD ka duh lo si loin a caan a zat rih lo tu hi a si deuh. Chin state ah hin cnld nih ngah hmanh seh law hruai tu cu rampi President nih a mah duh mi a khinh thiam ko lai ti cu kan hngalh ko lai ti ka zumh.A dang cu nangmah nawl si cang nain na vote pakhat te nih ram a thlen khawh i na vote pakhat te nih khan ram thanchonak a phih khawh ti kha na fian a herh. By Din Thar