ZASANG CINZAH: ZAKHAT AH 80% CU A FIANG CANG TIAH KA TUAK

2015 eelction lio ahkhan, USDP nih Cozah an peh ri ahhin rampi thlennak caah a ttha deuh men lai tiah ka rak ruah. Abik in Peace Process caah. Asinain Dr. SH Sakhong interview an tuahmi ah USDP nakin NLD an tling a tthat deuhnak a rak langhter bal. ” Aww, a si tak e” ka ti.

NLD nih Cozah an ser cangka tein USDP nih an rak awtmi Peace Process cu an hrawh i anmah nih a thar in, 21st Century Panglong, tiah August 31, 2016 ahkhan an rak thawk tthan. Tuhi kum 4 a kal cang. Tukum 2020 election ahhin USDP nih Cozah ser tthan sual hna sehlaw NLD nih an kalpimi Union Peace Conference hi an hrawh tthan ve hnga i, anmah duhning in an kalpi tthan hnga.

Cuticun, a phichuak a um hlan ah 2025 election a phan tthan hnga. Cucaah, Rampi thlennak/National Political Change a um khawhnak hnga ding caahcun NLD lawlaw nih Cozah an peh peng hi tthat dawh in a um.Chin State ah teh? Chin State ahhin USDP nih an ttuan hmasa i, term 2nk hi NLD nih an ttuan.

Chin State cozah ahcun,2008 phunghrampi ning in, “Political Change khelnak a si lo. Biadang in chim ahcun, National Political Change/thlennak a um khawhnak hmun a si lo. Development, security le day to day ah minung nih kan zulh hnga dingmi bylaw tbk lawng an ser khawhnak hmun a si.

Cucaah, Chin State ahhin zeibantuk Party hidah an tthabik hnga timi cu mahle ruahnak cio a si hnga.Asinain, 2008 phunghrampi zoh tikah Centre ah Cozah a sermi paoh nih State le Region zong ah Cozah ser chih ding hi tawh an hrenh cang.

Union President nih State le region ah Chief Minister a thim lai i, Chief Minister nih Cabinets a dirh lai ti a si caah, NLD nih Cozah an ser tthan ahcun Chin State Chief Minister cu NLD chung in thim an si te lai i, NLD thiam nih Chin State Cozah, a term 3nk hi an peh rih te ko lai timi hi 100 ah 80% cu a fiang cia cang tiah ka tuak. Catialtu Zasang Cinzah

Be the first to comment

Leave a Reply

Your email address will not be published.


*