ZAPI SANTLAILO ARTI CAWKNAK TEL AH KA TTHUMH E, PU LIAN UK THANG

Upat tlak asimi Pu Lian Uk Thang nih a dawr thilman a tthumh mi kongah a chimmi bia cu uar hrimhrim a um kho tuk.Zohchuntlak taktak mi a sinak fiangtein a lang.Chinram khualipi Hakha ah Gloria eidin le Facang dawr angeitu Pu Lian Uk Thang nih a zuarmi thilri hna cu cuhlan nak aman a tthumh.

Pu Lian Uk Thang nih thilman a tthumh timi kongah biahalnak an tuah mi cu hitihin a si, Kawi facang man cu na tthumh taktak ko maw? tiah ahal. Pu Lian Uk Thang nih lehnak atuahmi cu Tthum e, ka tthumh ko. Asinain tampi cu a si lo. Hlan kan zuarmi man nak in Thongkhat te khi ka tthumh mi asi ee.

Pu Lian Uk Thang nih a peh rih mi cu zapi zaran caah Arti cawknak tal ah santlai ka ti ko ma tiah lehnak a tuah tthan. Acabia hi uar hrimhrim a um khotuk. Hawidang kanmah Laimi hmunkip dawr atuahmi hna cu tulio zawtnak ruangah an thilman ceilak te an kaiter lio ah a nih tucu a tthumh lehlam.

Kawlram thongkhat hna cu atimi hna nan um kho men, Thongkhat hi tuak ahcun a tlawmte ko nain Thongkhat nih sifak santlailo caah mehhang tam ngaite acawk khawh. Arti le bang hna cu chungkhar ei deng hmanh khi a cawk khawh. Atlawmtam cu va um koseh aman kailo in dawtnak thinlung he a tthumh mi hrimhrim hi mi dingfel le mipi zawnruahnak angeihmi hi upatlak tuk asinak cu asi.

Chinmi Laimi vialte hna zong nih kan i zohchun dingmi asi. Hi bantukin zawtnak ruangah thinphan thlalau in thilman akai sual lai ti an phan lio ah a dawr thilman a tthumtu Pu Lian Uk Thang te chungkhar Bawipa nih nan cawlcanghnak ah Pathian nih a thluahchuah bongmalza he in umpi ko hna seh.