ZAHANZAN SUI HLEI TIAL RUAK A HLAIMI AN TUARNING CU CELH DING ASI LO

Nizan kan farnu Sui Hlei Tial ruak an thialkam ning cu lung anuam lo taktak, Lungthin hrimhrim a fak ko. Aruak an kham hmanh lungthin a fak i, a ruak an thialnak ding zongah lungthin afak ko. Nizan Sui Hlei Tial ruak an thial kamnak konghe pehtlaiin a ttapa nih thil sining a chim dih. Sui Hlei TIal a tta nih a tanglei bang in thil sining a chimmi cu a si.

Zeiruang ah dah zantim le khuamang ah a ruak tthial asi ti asi ahcun, nawlngeitu hna nih zan suimilam pakua hnu lawngah nan thial lai tiah an ti hna. Cun a vakal mi zong ruak hi nan lak asi ahcun minung panga cung nan kal lai lo. Panga cung nan kal ahcun thongthlak nan si lai tiah min zong an thutter hna. Zan suimilam pakua in minung pali hna nih a ruak cu an hlai.

JCB nih a cawhmi asi tik ah athuk tuk i, thla ahlai mi le minung pali lawng an si tikah an batuk cang i, khualei phone an vun kan chawnh, kan ba tuk cang e tiah an ti. Kan vakal i, palek nih an rak congh i, bawmh khawh zong an si ti lo. Cupin ah upa pawl zong nih rak ra hlah aa kan ti. Aruang cu nawlngeitu hna nih thatein an chimh cangmi hna asi caah a si.

Minung pali nih cun zan suimilam pakua in an cawh i, zinglei suimilam pahnih le cheu lawngah an hlai khawh. Ruah asur tuk pin ah an cawhmi kha a thut i, a cim lengmang. Cuticun hawisin thlanmual ah Suimilam pathum le cheu lawngah ruak hi thlak asi. Ruak zong cu khuachung luhpi loin khua velnak lam in an kalpi. Cu zongah cun motor zong pakhat le pakhat an i hnuh chom in akal tiah a chim. Video zoh a duhmi caah hika hi voikhat in hmehpiak law video in thilsining ngeih khawh dih asi

Be the first to comment

Leave a Reply

Your email address will not be published.


*