ZA LIAN CEU (Salai C Alexander) CU FAK TAKTAK IN A THUAT VE KO CANG HIH

Salai C Alaxendar aa timi Za Lian Ceu hi Thantlang peng Farrawn khuami a si i Korea a phak hlanah Yangon ah a um mi a si. Ka nu Khuang, Khuang Par te sin zongah ca leh rian a rak bawm mi a si. Korea a phak hnu in khi bantuk, mizeirel lonak catial khi a hmang tawn i, a thinlungput khi Laimi thinlung put a lo lo.

Amah hi cathiam, thinlung pialsual pakhat a si. No Than Kap a fak i, CNF dohnak ca a rak tial tawntu le Piangtharmi hna dohnak ca a tial tawntu le US President Donald Trump Vom tiin, nehsawh ngaiin ca a tial tawntu a si. Iraq President Saddam Hussein bantukin Hitler bantuk in thinlung a kalsual cangmi a si.

A ngaichih lo i aa thinh lo ahcun, Saddam Hussein le Hitler bantuk in Vanchiatnak nih a phak te lai. Kan Laimi lakah Henry Van Thio Vice President tiang a cawitu cu BAWIPA pei a si cu. BAWIPA nih a cawisanmi hna khi bantuk nehsawh thlanglamh ngaiin a ti tu cu BAWIPA nih a zoh sawhsawh te lai lo. Atu voikhat lawng hi a si ti lo. Vice President Dr. Henry Van Thio Jesse pa BAWIPA PATHIAN Thluachuah nak pe chinchin ko seh.By Tl

Salai C Alexander cabia cu mah hihi asi.Vanzang Tlang le Dr. Henry Ralkap. USDP in ruahlo ah NLD ah ai thlengmi Dr. Henry Ralkap cu Vanzang tlang ah tlawng ve ciammam.An ka tur hnawh tuk men lai tiah ai ruah. Hakha NLD hrawngah khin a ruah diam rua hna. A poinak cu, Vanzang tlang khi cozah ai bochan ngaimi tlang an si lo. Chinram chungah cun a ropui bakmi tlang kan si.

Inn 300 renglo umnak Tlangpi khua ah cun, rampi hruaitu ah ai tel vemi second VP a sinak in kan don lai, an ti.Kawl haang le Kawl rim a nammi NLD party thimfung ruhnak ding caah cun kan dong kho lo, ti si ko.Nain, tutan i Henry nih Laitlang a tlawnnak cu an Kawl party asen pawl caah campaign a tuah khi si. Tikah, Tlangpi khua cu NLD angki ihruk in nan kan don lai an ti hna. Khuami nih an duh nemmam lo.

Amah dongtu ah minung pathum-li te khi, hmaikhah lo ah, NLD angki cu an hrukter hna. Mah khan an buai.Ralkap pa te phu cu an ihrocer. Ai hrocermi bawi phunphai cu Vanzangtlang ah cun, zei ah an rel hna lo.Tikah, thathi in an dong duh ti lo.Rawlpetu zong an um ti lo. Innpa an ifial chom hnu lawngah rawlpetu cu ihne chom in an chuak, ti si.Biaruahnak ah an rak timhtuahmi speaker, mic le ṭhutdan an lak ṭhan dih.

Tikah, cabuai zong thathi khuh lo, thing ṭhutdanh le plastic thutdan sawh ah an thutter hna. Bia ngaitu zong an chuak huaha lo.Tlangpi lawng ah cun si lo. Vanzang tlang nihcun Dr. Ralkap cu vancung tla siangpahrang ah an ruat lo. Siangpahrang bantuk in a va kal hnawh hna ahcun ai chuahsual lo awk lam cu ṭha lo, ka hei ti ko. Inn 180 renglo umnak Farrawn khua nihcun miphun aiawhtu Chin Party in ChinChin Pekthang kan dirpi lai an ti. Mah ti cun , ka theihning a si. Video in a chuak zau te lai. Tiah a ttial.

Be the first to comment

Leave a Reply

Your email address will not be published.


*