VUN ZOH TUAH UH, MINDAT PASALTHA HNA UAR AN UMTUK CANG HIH

Mindat Kahdohnak Caan Karlak An Ngol. Myanmar SAC ralkap South Western Command i Deputy Commander nih CDF-Mindat he kah ngol ding in Mindat khua nupa a pehtlaih hna i kaphnih ceihmainak zong an ngei. CDF-Mindat nih thil phun 3 an hal: Pakhatnak Ah .Rallokap thazaang an chap mi vialte kirter tthan dih ding.

Pahnihnak. Tlaihmi vialte thlah dih ding. Pathumnak.Khuachung ah um hmun a khuarmi rallokap vialte kirter dih ding timi hna hi an si. Mindat khuachung ah rallokap (274) ah luhnak nawl pek ding in Deputy Commander nih a hal hna nain cucu CDF nih an cohlan lo. A tu lio ah rallokap lei in kah an ngol i a rauhhlan ah theihternak tuah a si than lai. I kahnak an ngol karlak a si i, SAC ralkap lei nih thawngthanhnak kan in tuah tthan hna lai, tiah CDF-Mindat cu an ti hna.

Lungrethei ngaingai si ko cang. Ralhrang kawlralkap tuahsernak cu lungrawk taktak si cang. Mindat khualuhnak khua pawl hna cu ralhrang kawlralkap hna nih khua khat hnu khuakhat in an khangh hna tiah thanhnak an tuah. Tuchun April ni 27 ah ralhrang kawlralkap le mindat khuami hna cu zingka suimilam pakua le cheu hrawngin tukdoh kahnak an tuah tthan. Mindat panh in a rak rami ralhrang kawlralkap hna cu Motor in an rak ra hna i, Thinchaung ah mipi lei nih an bawh hna i, kap hnih karlak ah caan sau ngai i kahnak le i dohnak a chuak.

Culawng siloin Mindat khua luhnak khua pawl hna cu khuakhat hnu khua khat ralhrang kawlralkap hna nih an khangh rih.Tuchun i tukdohnak ah ralhrang kawlralkap hna nih hriamnam nganngan in an kah hna caah Mindat mino pawl hna cu hnu an soh hna tiah nawlngeitu pakhat nih a chim. Ralhrang kawlralkap hna cu Mindat khuachung ah an lut i, um hmun zong an khuar. Culawng siloin khuachung ah a ummi pa pawl zong tleih dingin an kawl rih hna.Ralhrang kawlralkap dang hna cu mindat lei panh in an phan tthan lai ti a si.

The Chin Journal zong nih hitihin a langhter. Mindat Khua Lak ding in Myanmar SAC Ralkap nih Thazaang Tampi in an Rak Doh.Mindat khua lak ding in Myanmar SAC ralkap nih nihin zinglei ah Kalay, Gangaw le Pakukku lei in ralkap thazaang tampi an chap, tiah thawng kan theih. Mindat he meng 12 a hlatnak hmun ah a ummi Htinchawng khuate ah mipi le SAC ralkap karlak ah kahdohnak a fak ngaingai.

SAC ralkap nih bomb hmang in khuachung inn pawl an kah caah inn cheukhat zong an kaang. Nihin zinglei sml. 9:00 hrawng in kahdohnak a chuah tthan hi a si i, atu ahcun SAC ralkap pawl hi Mindat khualuh lai hrawng ah an phan i Mindat khuami tampi zong ramlak lei ah an zaam hna. Mindat khuapi chung ah SAC ralkap nih fek tein hmunkhuar khawh ding in thazaang tampi he an doh bang in Chinland Defense Force (Mindat) zong nih Lai meithal pawl he an doh cuahmah ve hna. Atu tiang ah cun i kahdohnak ah kap hnih hliam a pumi le a thimi an um le um lo fiang in theih a si rih lo. Credit: CT & TCJ

Be the first to comment

Leave a Reply

Your email address will not be published.


*