VIDEO: RAL BUAI CUNGAH KAI CENET BAK LO, KA LUNGFAK TUK, REV TEI CHUM

Laimi kanpa Rev Tei Chum cu Hosana Ministry Myanmar nih ton biaruahnak an ngeih. Cu an ngeihnak ahcun Pathian rian a ttuaning siseh an chungkhar konglam le, sianginn a kainak lawng siloin Pathian rian attuan chungah harnak tete atonmi le Pathian nih thilti khawh tthawnnak apekning kong tibantuk vialte a chim phuan dih.

Pathian rian a ttuanchung ah harnak aton mi kong a chimmi cu lung attha lo ngaingai. Cucu UPC a umlio ah a tonmi kong a si. UPC ka um chungah Tipil ka pek mi hna hi 1276 tipil ka pek hna ka chuah hnu ah 300 hrawng ka pek hna. Pakhat pa nih vuak aka timh i, an tlaih athaizing ah bomb nih apuah hnawh. Tei Chum kan thah lai, Na van atthatuk kan tlangval an um lo cu na vanttha. Na ruak in na tlung hnga, an ka ti. Cucu ahmetuk rih.

Mah vialte tipil ka pek mi hna hi ka rianttuan hawi nih an ka lawmhpi ballo. Ka chim ko lai, Ral Buai cungah ka lungtling lo. Thei ko seh, ka chim ko lai. Phungchim awk angeih lo paoh ah phungchimnak ah ka muichiatnak a chim. Anau le zong nih an i cawn i, civui pi tiangah ka muichiatnak an chim. Bible chim loin keimah muichiatnak kong lawngte ralbuai nih a chim.

Ka muichiatnak kong hi phungchim nak ah an chim lengmang, an chim deuhdeuh ah Pathian nih aka hman deuhdeuh. Ral Buai le a nau le nih ka muichiatnak an ka chim lengmang mi hi ka vailamtah kai khenh asi. Ka muichiatnak an chim tuk tikah zeiruangah dah ka muichiatnak lengmang hi nan chim ka ti hna tikah, Tei Chum cu athintawi tuk an ka ti.

Ral Buai cungah hin kai cenet bak lomi asi. Tipil tam deuh ka pek hna paoh ah an ka lawmhpi lo. Ka rianttuan hawi lutlai vialte an i nuam lo. Hi konghi ka lih ka chim bak lo, Pathian nih atheih. Voikhat cu Khrihfa upa kan thim hna i, minung pathum an tling lo. An buai i, curuangah Vomkua ah an ka tthial. Vomkua ahcun taksa in an ka dawt.

Asinain thlarau lei in an ka doh. Pastor pakhat hna an nenh, nu le pa i nenh tthup hna cu aphung asi lo tiah ka ti hna i, cucu Ral Buai sin ah report an ka tuah hna. Cu hnu thok cun UPC in ka chuak. Cu lio ah aa pua mi hna cu bomb nih a puah hnawh dih cang hna. Bomb ka timi hi bomb taktak asi lo. Harnak atongmi konghe pehtlaiin video in rak ngai cio uh atang bik ah kan vun chiah.

Hihi relhmasa. German Magazine Der Spiegel Nih Trump Cu Loser of The Year An Pek: President-elect Biden le a Vice President-elect Harris cu The Time nih “Person of the Year” a pek hna ni bakah Minthang German news magazine Der Spiegel zong nih Thursday ah khan Trump cu ‘Loser of the Year’ a pek ve, tiah theih a si. An tlangtlar mi hi German holh in ‘Der Verlierer des Jahres’ ti a si i, a sullam cu “The Lose of the Year” tinak a si.Trump hi zeitik hmanah ah zapi ca i thiltha a tanh lo tu, pakhat te lawng a tanh zungzal tu a si – cucu amah zawnlawng hi a si” tiin magazine an chuahnak Washington ah bureau chief Roland Nelles le Berline-based correspondent Ralf Neukirch nih an chim.Trump kuttang ah cun zeihmanh hi punghman, ti a um kho lo.

Sunghmi ai a cohlang (admit) duh lo. Tehte pakhat hmanh a um lo bu ko zong ah cun, ‘Electoral ah dehhlennak a tomtom in a um’ a ti tualmal lehlam rih. Hi a sining vialte hi khuaruahhar awk a um lem lo. A president sinak cu ai thok ning bantuktein khan zoh ai remnak le teihkhaa (dignity) pakhat hmanh um lo tein a dong ve ko lai,” tiin capar an tial. News outlet ngan tamdeuh nih cun Biden hi president ah thimmi a si cang, tiin Nov. 7 tein khan an thanh cang ko nain, nihin tiangah Trump nih a lung a thum duh lo i, ‘Democratic pawl nih kan sinin election fir an duh caah vote peknak kongah dehhlennak a tomtom in an tuah’ tiin hrihhram um lo piin tu le tu a chim tualmal peng ko rih.

Election ni thokin khan, election results cohlan duh lo ruangah le vote thlak ning kongkau ah thil ai ningcanglo mi a um, tiin Trump a legal team nih state tampi ah tazacuainak an kalpi. Tehte pakhat hmanh nan hmuh khawh tung lo, tiin biaceihzung pawl nih an tazacuaimi a tamdeuh u cu an hnonpiak cang hna.The Time nih an tuah tawnmi kum khat chung mi liannganbik thimnak ah Biden le Harris cu Thursday zanlei ah khan an thim hna. An thim hna nak a ruangbik cu, rian an tlaih le cangka US pumpi cuul in a karhtuk cangmi Covid-19 hi ai hmaithlaak colh ding an si.

Cun, Harris hi tuanbia chungah African American chungin le South Asian American chungin a hmasabik Vice President a tuan dingmi nu a si caah, a tu bantuk in minthatnak pek hi an sinak a si. Cu ti i The Time nih a pek hna le cangka a tu bantuk in German magazine lei zong nih a capar an tial hi a si. Germans pawl nih hin Trump hi an uar lo ngai ti a lang. January i the Pew Research Center nih poll a tuah ningah, German minung 4 lakah 3 (asiloah cu nak tamdeuh hmanh an si lai) nih cun American president cungah zumhraihnak an ngei ti lo, ti a si.Cu bantuk thiamthiam cun Sweden, France, Spain, le Netherlands zong an si ve, ti a si. 2016 lio i the Time sinin “Person of the Year” a co hlan ah khan Trump nih co duhnak a rak langhter bal cang. Cu kum cu German Chancellor Angela Merkel ‘Germany chiatchuahtu’ timi min an pek hlan kum a si.An uar taktakmi ka si ko nain, the Time Magazine nih an “Person of the Year’ caah an ka thim lai lo. Cucu kan chimh ngam bak hna” tiin 2015 lio ah khan Trump nih a tial bal. Credit: Chelsea Bawi

Rev Tei Chum nih a chimmi video zoh aduhmi nih hIKA HI VOIKHAT IN HMAT LAW TLING TEIN 

Be the first to comment

Leave a Reply

Your email address will not be published.


*