VIDEO.PHUNGLAM SERTU AH AITEL AN KA TIMI AHMAN LO BAK MI ASI,PU THLA HRE

Kumpi kum nga chung Sipin Director arak ttuanmi Pu Thla Hre nih Pi Van Bawi Hnem Aithing rialnak konghe pehtlaiin a chimmi cu attha khotuk. Pu Thla Hre hmanh nih tutan Aithing an rialpiak mi hi an palh bak tiah fiang ko in a chim. Aithing kong cu zapi nih kan theih dih cang mi asi. Van Bawi Hnem cu Sipin nih tingkhat an pek i, remnak an tuah tiah theih asi.

Aithing konghe pehtlaiin Pu Thla Hre nih a chimmi cu, phungbuar ahcun dantatnak pek dingmi a siko. Asinain Aithing achiahnak kha zohcio ulaw phungbuar ngaingai cu a si lo. An lakpiak i, an rialpiak mi kha an palh cikcek. Cun ei din hrimhrim hrawhpiak timi phunglam ah a um lomi asi tiah a chim.

Cun tutan ah aithing an rialpiak mi hi cozah rianttuantu lawng an palh silo, Sipin committee palh zong asi tiah a chim chih. Dantat an duh asi ahcun tingkhat maw sawmnga maw tibantuk in tat i, a thil kha pek tthan dingmi asi. Zeicaah tiah hrawhhral mi tham cu a tatttan a dih cangmi Eidin le sii AI pawl lawng pei a si ko cu tiah a chim rih.

Hakha Sipin phunglam sermi konghe Pu Thla Hre nih phunglam sertu ah aitel lonak kong zong a chim chih. An i thawhmi cu Hakha Sipin phunglam hi Kum 2013 ah March thla ah Pu THla Hre nih a sermi asi tiah an ka ti mi ahman lomi asi. March thla ah an ser i, kei cu August ah ka phan tiah a chim. Cun an sercang mi upadi zongah nan hrawh dih lai timi a um lo tiah apeh rih.

Aithing an rialpiak mi hi an i palh bak cucaah nawlnak tuah hna seh tiah keimah duhning cun asi. Cun Aithing an hrawhpiak mi zong hi a liam zong liampiak hna seh. Eidin cu hrawh phung asi lo, tiah Pu THla Hre nih thil sining a chim. Pu Thla Hre cu kan theih cio bangin kum 5 chung Sipin Director a ttuanmi asi i, tutan thimnak ah Independent in cuh aa timmi a si. Video zoh a duhmi caah hika hi voikhat in hmat law video zoh

Be the first to comment

Leave a Reply

Your email address will not be published.


*