VICTOR PA: ZEICADAH CNF NIH CNLD HI A DIRPI LO?

Zeicadah CNF Nih CNLD Hi A Dirpi Lo? Pakhatnak, CNF cu Chin miphun vialte aiawhin dirhmi a si. Mi cheukhat ca lawngah a si lo. Pahnihnak, CNF cu miphunpi huap in ramkhel ( National Politics ) a kalpimi an si, party pakhat ca men a si loh. Pathumnak, CNLD bantukin Chin miphun min aa bunhmi party hi 7 bak an si. Anmah lawng an si loh.

Palinak. CNLD cu ralkap he hmunkhat ah aa bawm te ding an si tiah bia chuak a tam ngai ngai. Ralkap he aa bawm te dingmi party dirpi cu CNF caah thil si kho lomi a si. Uico nih a luak cia a ei tthan he aa lo hnga. Panganak, CNLD le CNF cu hmunkhat ah riantuan tti kho ding an si loh. CNLD hotu cheukhat hi CNF a rem lomi an si.

Paruknak, Chin miphun caah kan dir aa timi party nih Chinram khualipi Hakha hmanh ah party headquarters ( zungpi ) a bunh duh lomi ram dawt cu CNF caah zumh awk a har ngai lai dah. Pasarihnak, Chin min aa bunhmi lawng nih Chin miphun ai an awh kho lo i, Chin miphun kan i telnak party poh hi Chinmi caah cun Chin party an si dih ko caah CNF caah cun party pakhat lawng dirpi cu palh cikcek a si hnga.

Pariatnak. CNLD hi an dirnak kum khat lawng an si rih caah zeitluk dah a nguh te hna hnga ti hmanh aa fiang rih lomi an si. Rakhine party aa fonhmi pawl dirhmun kha zoh chih peng a hau hnga. Pakuanak, CNLD nih NCA lamthluan i tel ve an duh zong ah tutan election ah MLA/ MP pakhat te nih teinak a hmuh zongah Union Peace Conference ah an i tel kho thiam thiam lai.

NCA telnak dingah hin mi tampi tlin kher a hau loh.Riahcaw heu men an si. Arti an khuai khawh ahcun a za diam. Cucaah CNF nih cun phungningte in zei party hmanh an dirpi hrimhrim lai loh. Annih khelhmi cu party politics si loin, National Politics a si ko caah annih caah cun NCA inkharpi honnak ding caah mi zeidah biapi deuh timi kha a biapi deuh suaumau lai. By. Victor Pa

Be the first to comment

Leave a Reply

Your email address will not be published.


*