Van Bawi Lian Cu A Sungh Hnu Ah NLD Party Zungah Va Kal In A Tuah Mithil Cu A Dawh Tuk

Kan theih cio bangin Pu Van Bawi lian cu CNLD in a cuh ve mi pakhat a si a nih hi mipi nih uar tuk mi mino te pa fel ngai zong a si pin ah a fim thiam ngai mi a si tutan a thil tuah mi cu zoh a dawh i cawn phu ngai ngai a si , tutan a thil tuah mi  cu a tanglei bang hin  asi ,”Pu Van Bawi Lian (CNLD party Pyituh Hluttaw Candidate )cu NLD party zungah an kan leng i teinak kan hmuh mi an kan lawmh pi.Pu C Za Cung sin zongah lawmhnak bia a rak chim. NLD party an kan lawmh pi mi cungah kan i lawmh pin ah kan upat fawn.”Crd NLD Thantlang.

Ka diary: 08 November, 2020. 2020 thimnak (Chinland). Loose the battle but win the war” tiah kan chim theu. A sullam cu tutan thimnak ah sunghnak co ko hmanh uh law, kan mipi thinlung ah hmunhma tampi nan lak. A bik in mino hna thinlung chung ah nan tuh mi miphun tanhduhnak thinlung nih hihnu hmailei ca ah teinak nganpi a pe tu an si te lai.

A tu dirhmun zong ah kan Chinland ah a pahnihnak party cu nan mah nan si. CNLD chungtuan Salai Ceu Bik Thawng thlacamnak ka rel tik ah kalung a tha lo. Na thlacam bantuk in Pathian nih thinlung thar le thazang thar he lam an hruai lai. Policy level biaruahnak le kan miphun ca ah na saduhthah (CNLD election manifesto) zoh tik ah zeitlukindah a ngan ti kan theih ko ka nau.

Cun, sunghnak nan co mi cung ah tuanvo na lak ca ah pa saltha dirhmun ah na um ti hi kan hmuh fawn. Cun, tutan thimnak ah “teinak” nan hmuh ka ti mi cu, CNLD signboard cu peng le tlang vialte ah nan bunh khawh dih lawng si lo in constituencies a zapi ah siseh, Chin state leng zong ah siseh, zuamnak nan luh khawh mi hrim hrim hi kan miphun ca ah thil ngantuk a si.

Kan mino tampi nih arfi bantuk in an in zoh ko. Nalung thul lai cih, Tutan thimnak le a luancia kum 5 lio thimnak ka tahchunh. 2015 lio thimnak nak in a let tampi quality a ngei tiah ka ruah. Policy kong ah bia raldohnak zong Party hruaitu hna karlak ah kan hmuh khawh. Federalism kong siseh, peace process daihnak lamthluan kong zong ceih chih a si. Online in biaruahnak le interview zohcawklo zong kan in hmuhkhawh hna.

Cun, buaibainak umlo te in nan i lim fawn ca ah kaa lawm fawn.Teinak a cotu Chin-NLD cung zong ah Congratulations! ti in a lang in ka vun in lomhpi ve hna. Mipi nih an in zumhhna ca ah tuanvo an in pek mi hna cu zumhawktlak te in le felfai te in nan tuankhawhnak ding ah Pathian nih fimnak in pe ko hna seh. Kawlram pumpi huapin thimnak result kan vun theih dih hnu ah hmailei kan karhlannak kong ah ka ruahnak hna tial khawh ka vun i zuam ve te lai.Upatnak he, Victor Biak Lian, Ottawa

Crd: Victor Biak Lian

 

Be the first to comment

Leave a Reply

Your email address will not be published.


*