KAN HNGAKCHIAT LO VAKOK AN ZUAN KHA KA PHILH KHO LO

Pathian rian tuanning cu chunglei in lenglei (Inside out) ah a si. Minung pum chung bik ah a ummi thlarau in thinlung le taksa (inside) hna kha a damter hmasa i cu hnu lawngah thluachuah kan timi, lenglei chawva rumnak te hi an si tawn. Nain Satan rian tuannak cu lenglei in chunglei (Outside In) a si. Hmuh khawhmi chawva duhnung in a kan lem i minung nunnak chungah luh ai tim.

Cucu Baibal nih minung mithmuh ah a hman ngaimi lo tungin thihnak lam a kan kal pi tu lam a si a ti. Miphun dawt kan timi zong chunglei kan innpi “CHIN” hi a ngan dam hmasa a herh.A hnu deuh a si mi lenglei chawva le a min ah thanchonak tiah an kawh mi hna nih a ngan dam ter kho taktak lai lo.A ngan dam phawt hmasa lawngah amah tein nunchung a ka kawl khawh dingtu a si.

Chunglei in lengah a chuakmi policy maw kan i thim lai lenglei in chunglei ah a lut mi policy dah kan i thim lai? Phun dang cun mah tein pawcawm si maw kan i thim lai bawmh hal mi si dah kan i thim lai? Ka ngakchiat lio ah Aibur khua lu tlangpar cung i Vakok an rak zuan i mitthep loin kan rak cuanh tawn kha tutiang ka philh kho lo.Ka upat hnu cun ka hmu ti hna lo i an cii a mit cang rua tiah ka rak ruah salam.

An cii mih siloin kawlrawn i awtaw sinah bawmh hal in a va tlawntu a rak si diam ai. A mawh bak lo. A mawh lonak cu political science ee, social science ee.. principle ee… cu doctor ee timi pawl hmanh nih awtaw thladem tangah an hna a ngam kho rih cu.. Zei ti awk tha. Kum 5 chung cu party dictator awtaw nu hmurka kaa khat le meithal dictator bawizik pa hmurka kaa khat in kan ram cu an khel lai i kan nih cu a zoh sawh tu, Credit: Salai Tin Maung Win

Be the first to comment

Leave a Reply

Your email address will not be published.


*