Va Pasal Ngei Lai Nungak Caah Biapi Tuk Mi Biacah

Va Ngei Lai Ngaknu Caah Bia Cah,Ka nungak lio ahkhin va ngeih (Wedding) khi a nuam tuk dingah ka ruah. Thitumh puai cu kan kal lengmang ve ko le puai a zawhmi caah cun style tak in kan choi le zeisi paoh ah a va nuam ko hme teh. Mah bantuk third party minung dirhmun khin ka ruah le wedding hi a nuam tuk ding ah ka ruah. Duhmi he ico cu nuam la hme teh. Nain, puanzar phen ah lungretheihnak phurh cawk lo in a um.

Mah kha pawngkam nih kan theihthiam piak hna lo tikah an stress kan va chap chin hna. Tuchan ahcun family arrangement hi a um tilo ti awk tluk a si. Nu le va kong ah mu.., mah duh thimnak kha nu le pa chungkhar zong nih thazang pek cio a van si le a tha bak. Ai duhdawt taktak mi nungak tlanngval caah cun thitumhnak hi a sangbik le itinh cio mi hmun a si. Nikhat te khi a si ko nain a thla thla, a kum kum in timhtuahnak lak cio zong a si.

Nikhat ca te khi a si ko nain kan ke in ka sam tiang tharchuah le hawihe ai lo bal lomi si le ai dawh cemmi si kan duh caah le a sunglawimi ni a si caah si la cu.
Mah pumpak tonmi he pehtlai in va ngei lai ngaknu caah tip (4) tein hrawm kan duh hna. . Thlacam : Piangthar he thar lo he ai sai ti lo. Mah zawn ah Pathian kan pehtlaih dan kha thuk deuh a hau. Aruangcu hi vialte a tlamtlin ter kho tu cu Pathian lawnglawng a si ti kan theih caah a si bik. Kan hawikom sin ah kan thaw kan vai ichuah ko zongah kan thilrit a zaang thlu hlei lo.

Kan unau zong nih kan thilrit a kan chawng kho thlu lo ti cu a fiang. Kan mah tein kan ruksai kan ibei khawhnak dingah thlacam thawn bak a hau. “za cang seh” ka ti caan a um tuk. Nain, thla ka van cam ahcun khuaruah khawhnak ai peh kho deuh. Minunglei kap in ni thongkhat zong timhtuahnak ngei hmanh usih law Pathian kut ah kan ap lo ahcun hnangamnak taktak kho lo. Thlacam kan daithlan deuh paoh ah pingpalo ruahnak pawl an rak lut thluahmah rua ti awk in um.

Kan focus kho lo. Keimah hrim cu zeidang nakin thlacam ka daithlang bak nain ka puai lai ahcun toilet chung ka um bu zongah thla ka cam kho.  taktak si.
2. Pangkam bia le hla neglect tuah bak ding : Kan pawngkam ahhin cheukhat cu a kan theithiam tuk dingah kan ruahmi kan hawikom, kan unau le kan chungkhat lila hna zong hi lungretheihnak a kan chap chintu an rak si tawn. Thei huaha loin ruahnak pek le an mah duhning lawng chim a hmangmi an tlawm te lo.

Cu tikah kan mah nih kan duhmi/ kan tinhmi tak kha tloh a fawi te. “Congratulation” an ti kho lo mi cheukhat sinah thaw vai chuah len ding asi lo.
Pawngkam bia le hla titik ah kaphnih kha chim duhmi si. “cu tin ee” “ kha tin ee” tbk khi a tam tuk. Mah tluk puai kong lungretheih lio ah negative lawngte hna an van kan chimh ahcun stress a full bak cuh! Hi dirhmun tiang phan dingin duhthimnak kan tuah cangmi kha pawngkam ruangah hrawh ding silo, kan mah lila tu nih kan lungtlin lo ahcun lamlaicer in kir than khawh si. Cucaah, pawngkam bia le hla kha hlawt bak ding.

I theihter lo bak ding. . Budget Wedding: Mah hi cu a pom lomi ceilak kan um men lai. Silo ah “Laimi dirhmun cun a fawi lo” a timi zong kan um lai. Nain, kei ka ruahnak ahcun thiltha a chuahpi mi a si ko nain thilthar hi kan cawn pah hau ve ka ti. Thatni a si ko caah(Chankhat chuak nupi thit/va neih ah) lei le ba he zong kan tuah ding si ko timi cu ka pom bak lo. Kan ngeihchiah chawva nih a va tlinh tuk koko ahcun lungdiriam nak men ah hei tuah. Nain, khakha a tlinh lomi tiang nih laimi cu icawn kan hmang.

Mah caah wedding khi project pakhat bantuk in tuak i, khingrit tuk loin budget wedding tuah dingah ka dirpi bak. Mah le dirhmun cio kan ti ko lai nan ‘phung le phai’ ah a tla le ngei lo zong nih icawn cio a si mi hi rungrul pakhat nunter ah ka ruah caah si. Budget wedding titik ah tlamtling lo tuk le chambau tuk le mulmal ngei lo tuk khi chim duhmi si lo. Abik in wedding ah phaisa (ngeihhlei luan) tamtuk hman lo in dawhte le tlamtling tein tuah khi ka chim duhmi si.Kan khap tawk cungah lungawi!
. Be simple: Tawifiannak cun ‘zuzu tein thitumhnak tuah’ ti khi si ko.

Nain, thlarau tla bakmi si fawn lai. Hmun le hma thilri ah buai tuk lo ding. Khrihfa phung in kan ti ahcun simple tein ai lim kho ko. Nain, mi tuahning kan izoh chunh tuk ahcun pial a fawi te. Million le Billion dih in kan va tuah ko zongah cu nihcun lunglawmhnak (happiness) taktak a kan pek tung lo ahcun santlai lo si ka hei ti. Kaphnih chungkhar caah message a kan pe mi le lunglawmhnak a kan hrawmpi mi caah paw lawng khim silo in khua ruahtermi thil pakhatkhat kan pek khawh hna ding khi ka duh deuh.

Kan dawtmi kan hawinu/ kan hawipa nupi/ va ngei lai dingmi caah kan mah (pawngkam) pawl hi kan rak biapi tuk. An caah thilrit kan si lo ding a bia pi tuk. Congratulation kan ti khawh hna lo ahcun zeidang zong chim ve lo ding.

2020

~Mai~

Crd, Mai

Be the first to comment

Leave a Reply

Your email address will not be published.


*