USDP THAWNG LAWNGTE IN A SI KO NLD HNA NIH CUN

USDP nih (ဝန်ထမ်း) Thla hlawh an kai tar, SIM Card man an niam tar.cu caah tu tiang ah mi zei poh nih Phone kan nei i, SIM kan rawn khawh dih.NLD nih tu tiang ah hin, seh thilri si seh ei din ah si seh zei thil hmanh a man an niam tar mi a um rih lo.Mei man(မီတာခ) tu kha heh an kai tar le si ko.

NLD nak in USDP nih hin thil an ti khawh deuh ti hi a fiang tuk.NLD ka do cu a si lem lo. Thil si ning ka hmuh khawh mi ka hei chim bia.NLD a lal hnu in hin, kan ram a thangcho ngai ko nain (စက်) thil man hi a si kho deuh bak lo. By Salai Lal Lian HC

Salai Biak Tum Lian ttialmi relchih ve hmanh atthatuk hringhran: CNF le CNLD. CNF cu Hluttaw lengin national politics a khelmi an si. CNLD zong Hluttaw chungin National politics an khel ve.Cucaah cun CNF le CNLD hi aa khat in ka hmuh hna. CNF ka ttanh bantukin CNLD zong ka ttanh ve.Ka khuaruah a harmi tucu CNF a ttanh ngai i chawva lei zong in thazang tampi a chuah mi nih,

CNLD an phomh len i NLD an hei ttanh ngaimi,,, le,,, CNLD a ttanh ngai mi nih CNF ca thawhbur ah fangkhat te zong an thawh duh lomi khi, national politics timi hi keimah kaa fian lo maw a si, anmah an i fian lo dik a si? Keimah caah cun CNF le CNLD hi aa khat in ka ruah hna. A chung le a leng long an i dang.

Cheukhat nih an policy zoh loin pumpak in kan zoh ruang tu ah ruahnak aa dang si kho men. Nain policy ah hram bunh loin pumpak ah kan bunh sual ahcun hram kan bunhnak pumpak minung (eg. ASSK) a thih tik ah kan thi dih ve sual kho men.Cucaah cun keinih cun CNF le CNLD ka ttanh ning hna aa khat bak. Note: Keimah pumpak dirhmun.

Mah zong hi attialmi tthiamtthiam asi.NLD hi Tlangcung Miphun Pawl Kan Party A Si Ve Taktak Ko Maw?Chinmi tampi nih kan chim tawnmi cu NLD hi Kawlram chung miphun dihlak party a si ko. NLD ah Tlangcung miphun pawl; Chin, Kachin, Shan, Mon, Rakhine, Karen, Kayah tiah kan i tel dih ko.Chinmi kan pale tampi zong NLD ah an um ko tiah kan chim tawn.

NLD hi Tlangcung miphun pawl kan ta, kan party siloin kanmah tu nih anmah Kawl party sin kan hei luh tu khi a si deuh.A taktak ah, NLD Central Excutive Committee (CEC) ah minung 21 an um. Hi chung ah hin Tlangcung miphun chungin Kachin pa pakhat te long aa tel. A dang minung 20 hi Kawl long te an si.

Cu Kawl miphun 20 nih anmah Kawl sining, duhning le ruahning in tuahmi biachahnak le tuahmi policy in hruaimi cu maw Chinmi nih kanmah ta, kanmah party kan hei ti lai i, kan ttanh len rih ko lai.NLD le Tlangcungmi hi Democracy le Federal ahcun kan i khat lai nain, zeibantuk Federal dah timi ahcun van le vawlei in kan i dang te kho men.Cucu tulio kumnga chung NLD cozah term chungah fiang ngaiin a lang cang.Cucaah cun NLD hi kanmah Chin party a si ve ko timi hi cu Kawl pawl hlennak kan i zumh sualmi a si ko tiin ka ruah.