USDP LE CNLD TUAHSER NING HI AI KHAT BAK. PU NO THANKAP NIH A HLEN HNA

USDP le CNLD tuahserning hi a khat bak. Pu No Than Kap nih Falam peng Vanva khua ah biachim ngai dingah rak sawm hna u, bia ngaitu vialte minung pakhat ah Tangka 2000 cio ka pek hna lai tiah CNLD upa pawl sinah a rak cah hna. Meting cu an tuah i a dih hnuah Pu No Than Kap nih minung pakhat ah Tangka 1000 cio lawng a pek hna caah meting a rak kaimi pawl cu an buai ngaingi timi Vedio in Vanva khuami CNLD upa pawl an chimnak awthawng theih a si.

USDP in si seh, ralkap in si seh, sandahpiahnak asilole thazang chuahnak an tuah tik poh ah Yangon khuapi chung cu lungfim lawng an si caah hlen khawh a si ti lo i khuate lei an kal i thaizing sandahpiahnak ah rak chuak ve law, tangka 6000 le rawl kan pek lai tiah an va sawm tawn ve. Sule Park (Bandula panchian) tehna ah an auning cu an aw zong a thang ngaingai a chan cu Kan au dih hnuah tangka 6000 ka hmuh lai, danpauh rawl zong ka ei lai an ti.

Sandahpiahnak a dih hnu cun tangka 2000 cio tehna an pek i rawl lawng an dangh cang hna. Tlangval tampi cu an buai lenmang tawn. Nizan an ka chim lioah tangka cu zat le danpauh kan dangh lai an ti an ka hlen e tiah a aumi an tam tuk tawn. Ralkap le USDP nih tangka 6000 biakamnak ah 2000 an pek lioah CNLD nih cun 2000 biakamnak ah 1000 a pek caah USDP nak cun tlawmpal a tha deuh.

Krifa a si caah a hlenbia a zorh deuh ti khawh a si. Mipi hlen zong a țha lo, Mipi țhihphaih zong a tha lo, Krifa kan si ti tung i Thla zong cam, Pathian bia zong chim lengmang tung, kan ka in Lihbia le Hlenbia long a chuak ahcun mipi nih zumh awktlak kan si kho lai lo. Credit: Laiki Chozah

MP Ni Sui Lian 2015 – 2020 Pyituh Hluttaw Thantlang, 2020 -2025 Pine No. 2 in aa zuam tthan cuamah mi hi vote pekphu hrimhrim asi. Nu ralttha miphun le ram a dawbak mi asi. Atang biahalnak hi rak ngai ve hrimhrim uh. Zophei, Lautu, Mara le Thantlang Pine No. 2 paoh nih rak vote hrim uh! State ah a si cang lai i tuan deuh nakin a let in mipi caah a ttuan khawh chinchin lai.

MP Ni Sui Lian cu Zophei nu lakah BA Degree a la hmasa mi asi. Fimcawnnak lei ah thazang a pe taktak mi asi. Amah mee hmun asimi Thantlang peng vialte caah asi khawh chungin rian a ttuanmi asi. MP Ni Sui Lian a pa Pu Lian Kil hi Sianguk sayakyi arak ttuanmi asi. MP NSL techung hi mifim, ruahnak pical a ngeimi ram le miphun a dawmi khua le ram hrim nih bochan mi an si.

Anau minung 11 chuak an si. Minung 10 nih tanghra an awng. Tam deuh cu Degree zong an ngei. Mi ropui chungkhar an si tikhawh asi. Hlanlio tanghra awn a rak har cu zapi theih asi. MP NSL a chuahpi a tta Salai Ceu Mang a no lio teah CACC GS a rak ttuan. Biatak in miphun le ram caah a rak izuam. Nihin tiang Biaknak lei ah Biaktak tein a cawlcangh pengmi asi. Ralkap cozah nih caansaupi ramleng chuak kho loin innthong in an rak hren.

MP NSL a chuahpi a tta Pu Khua Uk Lian zong 1988 rampi buainak in CNA/F ah nunnak pek in nihin tiang ram le miphun caah a ttuanpeng mi a si. An unau dangdang zong aum cio ah hmantlak le bochantlak lawngte an si. Atulio MP Ni Sui Lian a zuamcawhtu CNLD Candidate Saya Rungkaw nih comment a pekmi a tangah relkhawh asi. Amah Saya Rungkaw lila zong nih a rak uar ngaingai ti fiang tein hmuh khawh asi.

The Chinland Post he biaruahnak ah hitihin comment a pek. Nusal ciammam Na ta le na hawi palai papawl na tei dih hna” tiin comment a pek. Keimak hmuhning, 2020 Myanmar rampi thimnak ah NLD nih teinak ahmuh le MP Ni Sui Lian a tlin rih ahcun ASSK nihhin MP Ni Sui Lian hi minister hmunhma pakhat khat cu a pek lai ka zumh! Aruang cu ASSK hi anu hawi usa ape ngaimi asi.

2015 rampi ah NLD nih teinak an hmuh i Region Taninthary ah, Chief Minister Nu Daw Lei Lei Maw a pek. State ah Kayin Chief Minister thiamthiam Nu Daw Nan Kine Htwe Myint a pek ve. Cucaah tutan hi Zophei, Lautu, Mara le Thantlang No. 2 pawl nih MP Ni Sui Lian hi vote pe rih ko hna usih. Vote kan pek i MP kan tlinter tthan ahcun kanmah lawng hmanh asi lai lo,

Chin State Myone le Pengkip caah rian tamtuk a ttuan khawh lai. Acung interview tha tein ngai tthan hmanh! Tutan Thantlang Pine No. 2 Candidate lak ahcun a fitbik asi ko. Vote petu vialte nih Candidate anmah pumpak le party zong zohchih kan hau. Rian a ttuan kho ding pumpak le party bak ah vote pek ding a si. Credit: Tialuk Miahling

Be the first to comment

Leave a Reply

Your email address will not be published.


*