US NA MAWCHIAT DING ASI AHCUN RALTUK DINGIN NA MIN PEK PIAK NA DUH LAI MAW

Kum 20 chung ah US ralkap 2,448 nih Afghanistan caah an nunnak an pek i $ 1 trillion tluk dih in an sersiam hna. A cozah ralkap 350,000 tluk cu kum 20 chung deng training an pek hna i hriamnam thatha an pek rih hna, nain minung 70,000 tluk nih ni 10 chung lawngah phirphatlik loin an dawi daih hna! Thah viar lawlaw tlak an si dih, US cozah mawhchiat ding a pelpawi taktak hmanh a um lo.

Nangmah pate /nute cu miram caah phaisa piakhat thawh cu chim lo miphun caah $100 thawh hmanh na sian tung lo? Nupi le fate he a um ve mi US ralkap minung 2500 tluk nih an nunnak an pek cang hmanh kha a zat tuk cang lo maw? Mahtluk sifak le harsa kan tam lio ah $1 trillion tluk a hman hi America mi kan sung tuk cang lo maw? US na mawhchiat ding asi ahcun Afghanistan ah raltuk dingah na min kan rak in pek piak ve lai na duh lai maw? Credit: Chelsea Bawi

President Biden to Announce Afghanistan Troop Withdrawal by September 11 |  Politics | US News

Thawngpang dang: NUG lottery ticket a zuarmi adih colh. Nikhat chungah zuar ding an timi suimilam pakhat hnih ah a dih colh. Hi konghe pehtlaiin thanhnak an tuahmi cu Suimilam pakhat le cheu chungah nikhat i kan zuar lai timi cu zuar dih a si. Nidang zongah thaazaang rak pe tthan ulaw tiah NUG nih Lottery ticket an zuarnak website ah an langhter. Hi konghe pehtlaiin nawlngeitu atanglei bangin a chim.

NUG tangah project, Finance le Investment lei Ministry ah Union Minister a simi U Tin Thun nih a chimmi cu tuni cu pilot project caah a hmasa bik asi i, ticket thong sawmnga hrawng lawng zuar dingin kan i timhlamh i, ticket pakhat ah hin thonghnih a sibantuk in ting thongkhat man kan zuar khawh. Nidang ahcun fawitein cawk khawh ding le mah tam in zuar khawh kan i zuam lai.

Ralhrang kawlralkap hna nih nawlngeihnak an lak mi an kaltak hlan cu hi Lottery hi zuar kan i tim i, mipi lei zong nih lungsau tein mah pumpak him dingin le pehtlaihnak rak kan tuah peng hram uh tiah kan sawm hna tiah a chim. Mah ticket an zuarmi hi pakhat ah thonghnih an hauh i, minung pakhat nih ticket sawmnga tiang cawk khawh asi i, a tlawmbik ah ticket panga zongin cawk khawh asi.

Tutan ah NUG lottery in an hmuhmi tangka hi zakhat sawmsarih cu CDM tuahmi cozah rianttuantu hna caah hman a si lai i, zakhat ah sawmthum cu ticket a poh mi hna nih an i lak dingmi a si. Hi konghe pehtlaiin ralhrang kawlralkap hna nih Central Bank cu lottery ticket tangka he pehtlaihnak a ngeimi hna cu thatein dotthletnak nan tuah lai tiah ralrinnak an rak pek ve hna.

NUG nih online hmangin ticket a zuarmi a si caah pumpak hna nih an bank an hmanning siseh online banking system, an tangka chuahnak le an hmannak tibantuk vialte thatein ngiatthlainak nan tuah hna lai, hi ticket cawknak ah lunghrinhmi an um a si ahcun theihternak nan tuah lai tiah ralhrang kawlralkap hna nih Central Bank hna cu thanhnak an tuah hna.

Be the first to comment

Leave a Reply

Your email address will not be published.


*