UPDATE: THANTLANG RALKAP NIH MINO MEITHAL AN PUAH HNAWH HNA

Thantlang thawng update: March 27 zaan 9:40 PM hrawng ah Ralkap le Palek nih Thantlang ah minung 4 an tlaih hna, mino nih kalhnawh an timh nain meithal voi 3 an puah, kah ding an si cang ca ah an tin than hna, tiah kan theih. Hi an tlaih hna ah hin Thantlang Youth Association (TYA) Zung zong an bauh.

Cu hnu ah innpa chakthlang deuh an tlaih mi hna an si, tiah kan theih. An tlaih mi hna hi TCBC Pastor Ngun Thawng Lian, Pu Tial Ceu le a fapa Van Hmun Sang le Pu Tial Cung hna an si. Lamtonnak ah chuak in Mino pawl nih kalhnawh an i tim nain kahnak nawlpek an si cang ca ah an tin cio hna, tiah kan theih. Credit: The Hakha Times.

May be an image of motorcycle and road

The Hakha Post:Thantlang Youth Association zung an luhnak ah ralkap le palek nih pakhat an kal pi. Thantlang Youth Association zung suimilaam 9:00PM luan hrawng i tawh an boh hnu zung an honnak inn ah a ummi Salai Van Hun Sang cu ralkap le palek nih an kalpi tiah kan theih. Khuami pakhat nih, “Van Hun Sang te inn hi TYA zung an honnak hmun a si. Anih hi Yangon ah a um peng mi a si. Palek le ralkap nih an inn an kingh hnawh hna i bia an hal hna i an kalpi colh,” tiah a chim. Tuzaan Thantlang khuapi chung TCBC Pastor telh in ralkap le palek nih minung pahnih an tlaih cang hna.

May be an image of one or more people and outdoors

Fianternak an tuah mi: Thawngfianhnak kan tuah lai tiah Sayamah Sung Hlei nih a Facebook ah a tanglei bantuk in a langhter. Miphun Leirawitu le Zuartu Kan Si lomi Fianternak.Keimah Mih Nge le keimah Sung Hlei nih march thla 27 ni ah Hakha Campaign For Justice nih sullam ngeilo le ruahdomh rumro in miphun leirawitu unau hna tiah vawlei cung mipi hmuh dingin an kan phozarmi kongah kan si hrim hrim lomi fianternak tuah kan duh.

Atu lio kawlram ah minung nunnak tampi liam in duhlonak langhter lio le ngaihchiat lio caan ah hin zei bantuk ruang hmanh ah mipi leirawitu le zuartu kan silonak kong cu march thla 28, 2021 suimilam 10:00 am ah kan umnak inn a simi Mucu Sang IBC biakinn hmai Pyidawta ah press conference kan tuah lai i a duhmi nih bia hal khawh le thawngpang laak khawh a si lai tiah thawng thanhnak kan tuah. Tiah alanghter.

 

Be the first to comment

Leave a Reply

Your email address will not be published.


*