UPDATE: MINDAT PASALTTHA HNA LE RALHRANG HMUNHMA AN ZOH

Tuchun ralhrang kawlralkap le Paralttha Mindat CDF ton biaruahnak kong an langhter tthan. Ralhrang kawlralkap hna le Chinram pasalttha Mindat CDF hna cu tuchun suimilam hlei hnih ah ton biaruahnak an ngeih nak ding hmun cu check hlatnak an tuah. Mindat pasalttha CDF le ralhrang kawlralkap ton biaruahnak hmun cu thatein dotthletnak or check hlatnak an tuah lai ti a si.

Tuchun ton biaruahnak hmun zoh ah hin ralhrang kawlralkap tatmah 274 lei in motor a rangmi pakhat le ralkap motor pakhat an rak ra ti a si. Cun mipi aiawh Chin pasaltha mindat CDF lei in minung pahnih zong an i tel tiah theih a si. Cu ticun ton biaruahnak an ngeihnak ding hmun le hma cu thatein zohfelnak zong an tuah. Hi konghe pehtlaiin thanhnak an tuah mi cu mipi thinphan thlalau in um lo dingin MDT nih thanhnak an tuah.

Tuchun Ah Chinram Mindat Sizung Pi Ah Mipi Le Ralkap Khuaici An I Muih –  Chin Miphun Tlangau

Thawngpang Dang:KNU biachim cu lung ahmuituk hringhran ko ee, Ralhrang kawlralkap hna nih zeitluk hmanh in cunglei siseh tanglei siseh tukdohnak tuah hmanh hna sehlaw, KNU hriamtlai cu tei khawh an si lai lo tiah fiang ko in an chim. Theihcia bangin a tu hi biatak tein kaphnih karlak ah thawngpang a linsa ngaingai i, fak ngaiin tukdohnak a chuak.

Ralhrang kawlralkap hna nih tanglei in hriamnam ngangan he an thuat hna. Culawng siloin cunglei raltuknak vanlong zong in an phomh rih hna. Hi konghe pehtlaiin brigade 5 ah ralbawi a simi Sawm Mu nih fiang ko in a langhter. Atimi cu cunglei raltuknak vanlong an hman ruangah siseh, KNU cu tei khawh an si lai lo tiah a chim.

Ralhrang kawlralkap hna nih raltuknak vanlong hmangin KNU hriamtlai hna cu biatak tein an thuat hna. Asinain KNU hriamtlai hna cu an zeite hmanh a poi lo timi hmuh khawh asi. Aruang cu hnukir hrimhrim an i tim lo. Hnu kir an timh lo pin ah ralhrang kawlralkap hna nih hnu kir dingin an tuah kho hna lo timi cu tutan an biachim in hmuh le theih khawh asi.

Ralttha taktak in KNU hriamtlai brigate panga nak i, ralbawi Saw mu nih a chimmi cu zeitluk hmanh in KNU hriamtlai cu hnu kan kir or kan soh lai lo. Ralhrang kawlralkap nih hriamnam ngan cunglei in tukdohnak tuah hmanh hna sehlaw hnukir tiangin an tuah kho lo tiah a chim. Tutan ah hibia a chimtu KNU hriamtlai ralbawi nih a chimnak aruang cu atanglei ruangah hin a si.

Kan hnu March thla ah siseh April thla chungah hin ralhrang kawlralkap umnak sakhan hna cu biatak tein an doh i, an lak khawh. Cu an lakmi ralhrang kawlralkap sakhan hna cu Thi Mu La le Thaw Le Tha sakhan an si. Ralkap sakhan pahnih an lak ruangah ralhrang hna nih cunglei in an rak phomh hna. Asinain tutan teikhawh kan si lo tiah a chim.

Apeh tthan rih mi cu ralhrang kawlralkap hna nih cunglei Vanlawng hmang in an kan doh mi hi cu kan caah cun khuaruahhar a si ti lo. Voi tamtuk an rak kan kah cang nain kan sung lo. Kawl ralkap pawl cu an tha a der tuk cang i i kahdohnak ah zeipi an si ti lo tiah a chim chih. A tu lio ah Karen ram chung ah kawl ralkap le KNLA Brigate (1,3,5) hna cu fak ngai in an i kah doh lio a si.

Be the first to comment

Leave a Reply

Your email address will not be published.


*