UPAT HRIMHRIM AN TLAKTUK MAH DING BAK HI A SI KO CNF

2020 kum thimnak he pehtlai in Chin National Front sin in thawngthanhnak.November 8, 2020 ah tuah ding mi Myanmar ram thimnak he pehtlai in CNF nih thawngthanhnak cu September 7 ah an tuah. Hi thawngthanhnak chung ah a bik in langhternak a tuah mi cu tanglei bantuk in asi.

Pakhatnak. Myanmar ram thimnak he pehtlai in November thla ah tuah ding mi cu lunglawm tein kan don i zauk phung ning zulh in a thiang mi le tlukrualnak in thimnak tuah ding forhfialnak. Pahnihnak. CNF cu mah tein khuakhan lairel khonak nawl, miphun tlukrualnak le zauk phung he a tling mi Federal Democratic Union serhchuah khonak caah remdaihnak lei ramkhel biaruahnak lam in aa zuam cuahmah lio asi bantuk in cu lamthluan lei hmuitinhnak lei hoih in a ṭuan ve mi zeibantuk ramkhel bu siseh, pumpak in siseh hmunkhat tein ṭuan ṭi ding timh cia asi;

Pathumnak. 2020 kum thimnak he pehtlai in cheukhat ramkhel bu siseh le pumpak in siseh CNF nih ca chuah mi le dirhmun langhternak cathluan pawl cu nawl halnak le theihternak um lo in a cheuchum in siseh, aa lo nawn in siseh lak in 2020 kum thimnak ah teinak hmuh kho ding caah mah duh poh in lak le ṭial mi pawl cu hmuh le theih asi. Cu asi caah, kha bantuk pawl cu ningcang lo in lak piak le hman piak lo ding theihternak thawngthanh le;

Image may contain: text

Palinak. Cu lawng si lo in vawlei cung ramkip nih temh in mi Covid-19 zawtnak aum lio asi caah 2020 kum thimnak aa zuam ding ramkhel bu le pumpak nih cio nih Union Election Commission nih nawl chuah mi zulhphung ning tein cawlcang ding le CNF nih nawl ngeihnak hmunhma pawl ah cawlcang ding mi kong cu CNF ṭuanvo ngeitu upa pawl sin ah ningcang tein theihternak tuah ding in forhfialnak tuah asi. CCNC

Be the first to comment

Leave a Reply

Your email address will not be published.


*