UN LEI THAWNGTHANH NAK TUAH MI SHARE CIO UH SIH

UNHCR lei thawngpang: Hawikom dawt hna nan umnak cio ah Pathian tu nih in huhpheng cio ko hna seh. Lockdown le MCO in zeitik kan chuah khawh lai theih si lo. Mah umnak cio ah ralring cio ko hna uhsih.UNHCR lei kong he pehtlai in thawngthanh kan in duhmi hna cu lockdown le FMCO a dih khawh hlei lo caah UNHCR riantuan tawnmi zong pehzulh in an tuan kho lo.

Cucaah card renew, nau benh, card/catlap thlaumi va hlam than tibantuk zong an tuah kho rih lo. Cun UN card/ Catlap a kum dih cangmi caah UNHCR nih ca an chuahmi kha catlap in chuah i i ken chih khawh peng asi. Lockdown le FMCO a dih hlan lo cu tlamtling in rian an tuan kho ve rih lai lo. Cun Pudu i Tzu Chi Clinic (Sekhan) kha July 22, 2021 tiang an khar lai.

Covid-19 raikham sii chunh ding ah chungkhar i riantuan le lengchuak asimi nih cun min pe ve cio hram uhlaw a tha. Hmai lei ah raikham sii chun lo ruangah riantuan khawh lo hna si sual kho men. Covid raikham sii chunh min peknak kong ah harsatnak na ton cun CRC ah bawmh hal khawh peng asi. Siaherhnak he, CRC Malaysia.

No photo description available.

Thawngpang dang: Vote Relthan Mi Ah NLD Party Nih Vote A Fir Mi Nuai 11 Leng In Teinak A Hmu Tiah Ralhrang Nih An Thanh.November 8 ah tuahmi ram pumpi thimnak ah NLD cozah nih khinhmi UEC nih Vote a palh an ti i ralhrang nih an zohfel than tikah Vote dik lo nuai 11 leng a um tiah ralhrang thawngchimnak MRTV ah zahan July 8 ah a thanh.

Nawlngaihnak lakhnu ah tuan deuh UEC cu an hrawh i 2020 thimnak cazi zohthannak caah February thla chungah ralhrang nih a thar in UEC cu a dir i, February zarhhnihnak in July 7 tiang an zohfel i Vote diklo nuai 11 leng,Vote thlaknak nawl neitu Nuai 37 zatuak in 29.54 hrawng cu NLD nih hmuihtinh in Vote diklo a um tiah ningcang lo tuk in ralhrang nih an thanh.

Rammi sinak ngei lo in,Vote thlaknak ah i tel,rammi sinak card in Vote 2 or 3 thlak,kum 100 in a cung Vote thlaknak ah i tel,thimnak tuah ni ah kum 18 a tling lo mi Vote ah i tel,ti’n alnak ruangah zohfel mi a si caah Nuai 11 leng kan hmuhnak hi a si ti’n ralhrang Media ah an langhter. Credit: TCP

Be the first to comment

Leave a Reply

Your email address will not be published.


*