UAR A UMTUK, CHINRAM CAAH MISS THUZAR WINT LWIN A CAWLCANG

Lawmh a umtuk, Chinram caah Miss Thuzar Wint Lwin a cawlcaang cang. Bawmhnak ting 25 apek colh. Kawlram aiawh in Miss Universe ah vawleipi theih in Laithuam pakhatnak aa kan lakpiaktu Miss Thuzar Wint Lwin nih Cikha ah bawmhnak ting 25 a pek tiah thawngthanhnak an tuah. Hi konghe pehtlaiin atanglei bantukin an langhter.

Tonzaang peng, Cikha ah covid zawtnak in i runven zohkhanhnak caah tiah Cikha sizung hrangah ting 25 bawmhnak a pek tiah theih asi. Nai te ah covid zawtnak bantukin Cikha khuami minung tampi hna cu ruahlopi an zaw hna. Hi thawngpang ruangah i runven zohkhanhnak caah tiah Miss Thuzar Wint Lwin nih bawmhnak atuah hi asi.

No description available.

Miss Thuzar Wint Lwin cu US ah a um lio asi i, hmunkip kaa kip ah a ummi Chinmi hna nih an sawm i, lunglawmhnak an tuahpiak pin ah laksawng tete zong an pek ti asi. US i Tulsa ah a ummi Zomi hna nih sawmnak an tuah i, cu ahcun Miss Thuzar Wint Lwin nih Cikha sizung caah bawmhnak apek hna. Zomi lei nih rianrang in Tonzaang peng Cikha khua ah an kuat lai tiah an chim pin ah hi bawmhnak hi Oxygen concentrator cawknak ah an hman lai tiah theih asi.

No description available.

Thawngpang dang.Paletwah ah ralhrang kawlralkap nih an tlaihmi hna Chin mino minung 10 hna cu an luat rih lo.May thla ni 28 zinglei nazi 7:30 hrawng ah Paletwah khua chung hmun hnih ah bomb a puak mi konghe pehtlai in biahal ding kan in ngei hna tiah ralhrang kawl ralkap lei nih Chin mino minung 10 hna cu zahan le tuni ah an tlaih hna I tu zaan lei nazi 4 tiang ah an thlah rih hna lo tiah theih asi.

An tlaih mi hna cu Ko Aih Htun Min (singer), Ko Chan Moe (Ngandamnak lei riantuan), Ko Aung Htun Soe (NGO), Ko David (WFP), Ko Aih Htun Min (Company), Ko Lai Pan (Sport), U Ya Kyaw (NGO), Ko Aih Min, Ko Aih Htun Min (Forest), Daw Oan Ma Hla Myint Htay (Auditor) le Ko Thi Ha Aung (Rakhine) hna an si I an umnak inn cio ah luh hnawh in Paletwah palek sakhan ah an kal pi hna tiah theih asi.

Zei bantuk tehte hmanh um loin an tlaih mi hna an si caah a sullam um loh. Cohlan khawh asi loh. Paletwah ah hriam a tlai mi cu ralhrang kawlralkap le AA lawng an si. Bomb a puah tu zong an mah phu hnih chung in an si ko lai. CDF an si hrim la loh tiah khuami pakhat nih a chim. An tlaih mi hna lak ah Daw Oan Ma Hla Myint Htay lawng tu zaanlei ah an thlah I zeibantuk bia dah an hal ti cu theih khawh asi rih lo.

Be the first to comment

Leave a Reply

Your email address will not be published.


*