UAR A UM KHOTUK, KHUABAWI AH AN THIM, TUANBIATHAR A TTIAL

Tuanbiathar a ttial bak ko hih, Zapi pa pawl tthenkhat cu kan fernu nih aa kan tei ruangmang ko cang. Uar hrimhrim a umtuk pin ah upat hrimhrim atlak tuk hringhran. Kum 25 te lawng asi nain Khuabawi ah an thim. Laimi chungah nu nih khuabawi rian an ttuan timi hi theih awk a um lem lo. Asinain kan fernu te kum no bik tuanbiathar ttialtu asi cang.

Hithil a cangmi hi mizoram chungah a cangmi asi. Nungak NI Lalsangmawi timi cu khuabawi thimnak ah a tling. Amah Laimi tampi umnak Farkawn nungak asi. NI Lalsangmawii cu kum 1995 February ni 27 ah khan a chuak. Hngakchiate asi lio in a nunzia aa dawhmi le hawikomh a thiam ngaingai mi asi.

Khrihfabu caah siseh mino cawlcanghnak ah aa hmang taktak mi asi tiah an chim. Cun amah hi Branch le KTP timi ah chungtel member zong asi. Tukum 2020 VC thimnak aa zuam i, atu bantukin teinak a hmuh hi asi. Upat tlak hrimhrim a sinak cu tutan ah hin alang. CCW

Relchih aduhmi caah thawngpang dang:Ritnak sihe pehtlaiin nun chung thongthlak ding tiah biachahnak an rak tuahmi nu cu Donald Trump nih a ngeihthiam cang. Aliamcia kum 1993 ah Ritnak siitthalo he pehtlaiin Alice Maria Johnson cu nunchung thongthlak dingin biachahnak an tuah piak mi a si. Asinain thonginn chungah Jesuh Khrihcu ka khamhtu le ka bawipa a si tiah hrintthannak a co caah Trump nih angeih thiam i, Thonginn in luatnak apek.

Alice Maria Johnson timi konglam hi lung attha lo ngaingai mi a si. Rian an chuah ruangah siseh a ngeihchunmi a fapa an thahpiak caah pawcawmnak caah tiin Ritnak sitthalo zuarnak ah pehtlaihnak a ngei. Amah hi a vapa nih a tthenmi zong a si. Culawng siloin a inn hlannak hna nih an chuah tthan. Cucaah lungrethei ngaiin aummi nu a si.

Aliamcia kum 1993 ah khan an rak tleih i, zaangfahnak um loin nunchung thongthlak dingin biachahnak an rak tuah i, thong an thlak. Asinain THonginn chungah Hrinthannak a co i, thongtla pawl sin ah biatak tein a caan a hmang. Mah konglam Donald Trump nih a theih tikah aliamcia kum 2018 ah khan thong in a chuah.

Sihmanhsehlaw a case cu a dih hlei lo i, pehzulh peng a si. Asinain Donald Trump nih tutan ah a case cu a thianter cang i, angeih thiam cang. Hi konghe pehtlaiin Texas i, First Baptist Church pastor Robert Jeffress nih lawmhnak bia zong a chim. Atimi cu Trump hi LAW and Order hruaitu ttha taktak mi a si.

Zaangfahnak le zawnruahnak alanghtertu a si tiah a chim.Donald Trump cu phung le lam ah zumhnak afek mi le mi zaangfahnak zong a ngeimi a si. Thatnak le zawnruah siaharhnak langhter ahauh caan ah amah nak in mi dang atthami an um ti lai lo. Hi bantuk minung cupei ram hruaitu ahcun kan duhmi cu a si cu tiah a chim.

Be the first to comment

Leave a Reply

Your email address will not be published.


*