U NAU VEVE KAN BIAKMI PATHIAN MAW AI DANG HNGA?

Catialtu: Pu Tin Duh Thang: Unau Veve Khrihfa Veve Kan Biakmi Pathian Maw Aidang Hnga Aw! Kan miphun hi Pathian nih miphun tlingah a kan ser mi miphun kan si i,a lam kip in kan Pathian nih cun tthanchonak a kan peek i, cu kan tthanchonak cu, a cheu,cawnsannak lei ah,a cheu kut themthiamnak lei ah, a cheu, dawhnak lei ah,a cheu tthawnnak lei ah,a lamkip in a kan tthanchoter mi miphun kan si.

Kan miphun nih “Pathian ti mi kan theih hlan ah,Thing le lung bia in kan rak um i,Pathian nih vun rang hna hmangin, Jesuh Khrih Thawngttha cu kan miphun sinah a ratter i, cu hnu cun kan miphun nih, Khrih Jesuh cu, Bawipa le khamhtu ah kan cohlan i,Bawipa cu kan miphun nih Pathian ah kan cohlan cang.”Bawipa min thangthat si koseh.

Kan miphun lawng si lo in,Burma ram pumpi ah Covid zawtnak le kan ram uknak lei kongah uknak ttha lo a chuak i kan miphun,ram chung a um mi hna nih a phunphun in harsatnak an tawng cuahmah hna.Kan Unau Mizoram lei ah,Covid zawtnak ruang le an inn pa a si mi, Assam cozah ruangah harsatnak an tong, Assam ruang i an tawnnak cu,an zeizong an laaknak lampi cu Assam lei nih an kham piak hna caah a si.

Cutluk in kan unau Mizoram mi hna nih harsatnak an tawn ko lio ah an thil man kaiter cu chim lo in, mi harsa pawltu kha manlo in heh tiah an thil cu an tthenh hna,a che nih an inn hlanman a lak in an um ter hna,a cheu nih an dawr man an tthumh rih hna,an nih cun kan unau an si i,kan biak mi,Pathian tthiam kha a bia mi an si ve.

Asiah, ziah kan nih Chinram i a um mi kan miphun hna nih a tulio kan ram buai lio le zawtnak kong i kan miphun hna nih harsatnak an tawn lio ah an thil man hna cu, cuhlan i 500 man kha 1000 hna ah an kai i,1000 man hna kha 2000 hna ah an kai?ziah kan biak mi,Pathian le kan unau nih an biak mi,Pathian hi aidang maw a si ne hnga ti hi ruahloawk ttha lo a si. Kailawm

No photo description available.

Thawngpang dang: Aung San Suu Kyi kongah ralhrang an i that. Matupi ah a um mi ralkap chung ah zumh lonak a um i ralbawi pakhat meithal in kahthah a si hnu ah meithal kaptu pa zong a mah le mah aa that ve tiah theih asi.Ralkap chung ah biathli a um, cu biathli cu Cenan (ကြေးနန်း) in an i thanh mi a si. Cu ahcun hi biathli hi leng ah a chuak te lai ti bantuk in siseh hi bantuk a dik lomi bia hi a ho nih dah a zumh lai tiah ralkap karlak zumh lo nak ruang ah tu bantuk meithal kahnak tiang a chuah hi asi.

Aung San Suu Kyi hi thonginn in kan chuah ter lai, cun rampi election tuah ding in kan timh tuah lai timi Cenan (ကြေးနန်း) cakuat cu ကြေးနန်း Saya pa nih an ralbawi pa cu a rel piak. Cu lio ahcun an pawng a um mi pakhat pa nih cun zumh a um lo tiah a au. Cun meithal aa lak i ralbawi pa cu meithal in a kah i a thi. Matupi khuapi ah a um mi Ralkap Kha-Lah-Yah 140 chung ah a cang mi a si” tiah Kanpetlet Time News nih a tarlangh.

Hi Cenan (ကြေးနန်း) cakuat hi nihin August 30, 2021 ah ralkap dihlak an kuat mi hna a si. Ralkap chung in tlik le zaam a tamtuk cang caah, ralkap a taang mi pawl hlen khawh nak ding ah tiah an kuat mi hna asi. Tuah taktak zong an timh mi si lem loin Ralkap CDM an tuah ti lo nak ding ah tiah ruahchannak pek bantuk in hlennak an tuah mi asi. A si nain Matupi um mi ralkap pakhat nih cun a zumh lo caah an ralbawi pa zong meithal in a kah i a mah zong aa that ve ti asi.

Be the first to comment

Leave a Reply

Your email address will not be published.


*