TUZING TIANG KHUAMI LE RALHRANG AN I KAP, MIPI A THIMMI THEIH KHAWH TAWK

Gangaw le Kalay Karlak ah Nizan in Atu Zing Tiang an i Kap. March 29 thawk in Gangaw-Kalay lamthluan cung ah a ummi khua pawl ah Lai meithal aa tlaihmi mipi le Myanmar SAC ralkap kahdohnak aa thawk i nihin March 31 zinglei zong ah pehzul in an i kap, tiah thawng kan theih. Nizan zanlei ah khan Hmandaw khuataw ah a ummi Kabarni donhlei ah le Hantharwadi pawng hrawnghrang ah an i kap hna.

No photo description available.

Nizan an i kahnak ah mipi lei in minung pahnih an thi. Hantharwadi palik sakhaan pawng ah pa pakhat ralkap nih an kah i a nunnak a liam. Cun, Taungkhinyan khua pawng ah a dang pa pakhat a nunnak a liam tthan. Hantharwady ah a ummi hna sin in The Chin Journal nih thawngpang fek kan theih ning ah Hantharwady khua pawng i palik sakhaan cu mipi nih an khangh i, palik le ralkap pawl an zaam.

Palik Le Ralkap In Kalaymyo Ah Ralkap Uknak Duh Lo Ih Lamzawh An Kap, Mi 2  In Hriamhma Nazet An Tuar - YouTube

Cun, nihin zinglei ah Gangaw le Kan khua karlak ah mipi lei nih ralkap motor pakhat an khangh. Nihin zinglei an i kahnak ah ralkap nih Machin Gun le Bomb tibantuk an hman caah mipi lei hliam a pumi an um len. A thimi zong a tlawm bik minung pathum an um. Ralkap lei in a thimi le hliam a pumi zong an um tiah an ti nain fiang ngaingai in fehter khawh a si lo. Hmanthlak: Mipi lei in a nunnak a liammi minung pakhat. Credit: The Chin Journal

Relchih:Kalaymyo ralhrang ralkap nih an kahthahmi Zosangliana thihnak konghe pehtlaiin a hawipa Lakhriatrenga nih a chimmi asi. Achimmi cu Sangte hi kanmah he rampi zalonak caah adoh ttimi kan si. A thihning fiangtein theih ka duh caah ka vun langhter. A konglam tlawmpal lawng a ruak cungah ka chim caah ka thiam lo tuk. Zeitindah asi lai aw ka ti lio ah mah Group hi ka thinlung ah a rak lang.

A pa sin ah halnak ka tuah i, Group ah a konglam fiang deuh in langhter ka duh tiah ka ti i, rak langhter ko aka ti. Cucaah a mah nawlpeknak in ka vun langhter lai. Cuhlan deuh ah a thih hlan deuh ah a chimmi bia ka vun langhter hmasa lai. Keicu fapa fangkhat ka si i, ka ttih ve ko. Asinain kanmah kan chuah lo ahcun ahodah a chuak hlei lai.

Thih le thih, nun le nun, ka thih ve asi ahcun ka sianginn kai tti hna le ka hawikom ttha hna kha nan kut ah ka chiah hna. Cun thlacamnak zong in rak ka bawm ulaw, A thei lomi hna nan um sual ah Kawlram ah hin minung 800 an nunnak aliam cang i, ka thih a si ahcun hla rak ka phuahpiak te uh, Kanmah kan kal lo ahcun ahodah akal hlei lai, kan thih le ram caah asi ko tiah a chim.

Mah ni 28,3,2021 zingka ah hawikom pawl kan i sawm hna i, an mah inn in kan chuak hna i, ruahchannak nganpi kan ngei. Ahmun kan phak cun hawi sin ah cun kan um ve hna. Rawl ei caan a vun phak cun Sante kan lawi ve lai maw tiah ka ti. Adih tiangin kan um lai tiah aka leh. Cuticun zanlei suimilam 4:48pm ah kan vun i doh taktak cu asi. Kan hmai ah a um peng rua tiah ka ti cu ka sirlei pe 8 hrawngah ????????? a rak chep cuahmah.

Mah le sining cio in tuah dingmi kan tuah hna. Culio ah ka sirlei ah minung pakhat a tlu tiah thawng kan theih i, kan vun zoh ahcun ka hawipa cu a rak si ko. Rianrang in a pawngkam ummi hna nih hmunhimnak ah an zawnh colh. Kei zong ruahchannak nganpi he Sangte tang chih ko mu tiah ka au. Tuah khawhmi le zeihmanh ka ngei lo. Ambulance motor ah kan chiah colh.

Dr. pakhat inn ah kan chiah i, Bike kan lakcolh khawh lo caah a hnu tlawmpal ah kan dawi colh. Dr sin ah ka hawipa cu zeidah alawh tiah ka hal tik ahcun a ngah tilo ee tiah a vun ka chimh cu ka taksa zong akhong dih, ka thinlung ah na chung le sin ah zeitindah ka chimh hna lai tiah ka ti, mah vial hi siko seh. Note: Lukhuh aa khuhmi hi keimah ka si, ahawi le dang an tuarnak cu ka thei ve lo. Keicu zanmang bantukin ka theih, ka hawipa hi a raltha tuk e, Afahnak bia kaa khat zong a chim lo.Pasaltha Sangte tiin au peng uh, ahma hi kehlei hnak ah a si. Credit:LalHriatrenga

Be the first to comment

Leave a Reply

Your email address will not be published.


*