TUZING I KAHNAK AH TUTIANG CU CDF MINDAT LEI AN HIM

Thawngpang ttha taktak asi. Tuzing Chinland Defense Force Mindat le Ralhrang kawlralkap an i kahnak ah CDF Mindat lei in hliam a tuarmi le a nunnak aliam mi an um lo tiah thanhnak an tuah. Hi konghe pehtlaiin thanhnak an tuahmi cu tuzing April ni 27 ralhrang kawlralkap le CDF mindat tukdohnak ah suimilam pahra tiangah cun hliam atuarmi le a nunnak a liammi an um lo tiah CDF Mindat nih alanghter.

Thanhnak tuah cang bantukin tuzing April ni 27 ah Chinland Defense Force le ralhrang kawlralkap hna karlak ah tukdohnak a chuak tthan. Atu hi an i kah cuahmah lio asi caah ralhrang kawlralkap an nunnak aliam maw? hliam a tuarmi an um maw timi zong theih asi rih lo. Nizan April ni 26 i kahnak ah ralhrang kawlralkap minung 15 nak tlawmlo an nunnak a liam.

Tuzing April ni 27 ah tukdohnak a chuah hi zingka suimilam pakua le cheu hrawng in a si. An i kahnak hmun hi Mindat in Kyaukthu lam lei meng hnih tluk a hlatnak hmun a si. Hi konghe pehtlaiin khuami pakhat nih a chimmi cu atu hi meithal thawng kan theih peng ko rih. Hiamnam ngan thawng zong kan theih i, Mindat lei an vun neih cuahmah tiah a chim.

Mindat khuachung lam pe 50 tiang kauh ding in timhtuah | CCN CHANNEL

Tuzing ah fawitein KNU nih ralkap sakhan an lak tthan. Thawngpang ttha, KNU nih ramri ah a ummi kawlralkap ralhrang hna sakhan ngan pakhat cu tuzing ah an lak. Tuzing suimilam paruk hrawngah Thailand le Kawlram ramri ah a ummi ralhrang kawlralkap sakhan pakhat biapi a simi cu KNU hriamtlai hna nih an lak khawh cang tiah thawngzamhnak nih an langhter. Hi konghe pehtlaiin a tanglei bangin thanhnak an tuah.

Tuzing suimilam panga hrawngah Karen ramkulh chung Thailand he an i ritnak hmun ah a ummi kawlralkap ralhrang sakhan a biapi ngaingai mi KNU nih biatak tein an tthuat hna. Kap hnih in tukdohnak a chuah hnu suimilam pakhat chung an i kah hnu ah KNU nih ralhrang kawlralkap sakhan cu an lak khawh cang tiah langhter a si.

Suimilam pakhat chung an i kah hnu ah ralhrang kawlralkap hna cu suimilam paruk ah an umnak sakhan cu an chuahtak. Cuticun KNU hriamtlai pawl nih ralhrang kawlralkap sakhan cu mei in an khanghpiak dih hna. Tuzing i tukdoh kahnak ah hin ralhrang kawlralkap minung zeizatdah an nunnak aliam i, minung zeizatdah hliamhma an pu timi tucu KNU lei nih an langhter lo.

Hi kong tuzing KNU le ralhrang kawlralkap tukdoh kahnak konghe pehtlaiin pawngkam a ummi pakhat nih a chimmi cu zingka suimilam panga hrawnghrang ah KNU nih ralkap sakhan an tukdoh. Suimilam pakhat hrawng ah an lak khawh. Cun ralkap sakhan cu an khangh rih. Ralhrang kawlralkap minung pasarih hrawng cu an meithal he an zam lio kan hmuh tiah a chim.

Be the first to comment

Leave a Reply

Your email address will not be published.


*