Tutan Thimnak Kong He Pehtlai In Kan Chinmi Hna Nih Hngal Ve Hna Seh Ti Ka Duh

Hngal ve hna seh ,Pu Van Kulh cu a chan lio ah kawlram pumpi huapin a rak lar. A mah cu Thantlang peng Tikhuangtum khuate fa asi.Lai pasal tha, mi roling Hrang Nawl khi Zahnaktlang Sihhmuh khuate fa a si.Laimi Bible a rak kan lehpiak hmasatu, kan pa bik tiah ruahmi Rev.Dr. Van Bik khi Vanzang tlang Tlangpi khuate fa a si.

Kan pale chan ah kawlram pumpi huapin hlasak ah a min a rak thangmi “Lairawn” ti hla a phuah i a saktu Salai Sun Ceukhi Falam peng Locom khuate fa a si.Kawlram Believer Churh hruaitubik Bishop CK. No Chum khi Vanzang tlang Sopum khuate fa a si.Ramchung ramleng lai ca tthialthiam lakah mipi nih uarbikmi le hngalh bikmi aa dawh setseilomi MuKo Magazine Editor Salai Joel Ling khi Khualhring tlang Tlangkhua fa a si.

Tulio kawlram pumpi huapin a minthang i an bochan bakmi Politician Dr. Lian Hmung Sakhong khi Aibur khuate fa a si.Pu Zing Cung, Dr. Hre Kio, le Sayaci Bawi te hna zong khi Zokhua khuate fa an si.Kawlram huapin politics ahcun a za ve bak ko timi Pu No Than Kap zong khi Falam peng NgaiLan khuate fa a si.Tulio ramchung ramleng Laimino lakah bochanmi Salai Ram Tin Thei tehna zong khi Aibur khuate fa thotho an si.

Kan chim lengmang ahcun a dong lailo, chimcawk zong an si fawn lailo le hivial hin an min cu za rih seh.Laimi chungah Kawlram pumpi huapin milar kan zohhna tikah khuapi fa hnakin khuate fa an tam deuh.Khuapi fa kan si, tiphunin khuate nek a hmangmi pawl nihhin kan lai minthang pawl an chuahkehnak hna hi hngal ve hna seh.Kan lai minthang pawl hna hi khuapi hnakin khuate fa pei an rak tam deuh ko hi, kan mah khuapi fa zong hi khuate fa nih pei an kan tthithruai le an kan cawnpiak

lengmang ko hi ti hngal hna sehlaw, khuate fa nek hmang ti hna hlah seh tiah nungak chat tu ngeihlo umhar ah ka hei ttial swhsawh bia.

Crd, Benjamin

Be the first to comment

Leave a Reply

Your email address will not be published.


*