TUCHUN THOK IN NLD KA CHUAHTAAK. BY SAYA THANG

Tuchun thok in NLD ka dirkamh mi vialte kai let dih, Aliamcia ka rak ttanhmi le ka rak dirkamh mi vialte zong ka ngaichih dih. Nangmah NLD na chuahtak thawngin zeihmanh NLD an sunghnak ding aum lai lo tiah nan ka ti zongah ka zeihmanh apoi lo, Keimah ruangah NLD an sunghnak cu vote panga te lawng khi a hei si ko.

Vote panga nih NLD kaltak cu NLD caah cun san atlai lai lo ti zong ka theih ko ve ko. Asinain teinak hmuhnak dingah cun vote pakhat te hi a biapi ngai ve. Tahchunnak vun lak ahcun mark pakhat ruangah camipuai sungh khawh asi i, Vote pakhat ruangah Cozah zong thlennak a chuahter khawh ve ko. Kanmah chung vote kan ngeihmi hi kan caah cun asunglawi taktak mi asi tiah kan i ruah.

Tuchun thok in NLD ka chuahtaak nak aruang hi tlawmpalte in ka vun langhter lai. Kan theihcio bangin tuchun cu khuaza ramkip a ummi Chinmi vialte hna nih kan i ngeih taktak mi asi i, abik in kanmah chungkhar ko hi aa ngeih bik kan si lai ti zong ka ruat. Zeicaah tiah NLD adirkamh pengmi kan si i, kan Laimi Thantlang Hakha NLD kan pa le or kan Nu le hna nih zeibantuk biattha dah an chim lai tihi ka ruat.

Sihmanhsehlaw kai ruahchannak vialte cu zanmanh hmanh ah ka manh lomi thil in a vun kal cang. Minung tampi nih NLD tham cu cunglei nawl lo in zeihmanh an tuahmi le an chim khawh mi a um lo tiah an ti tawn. Asinain ka zum lo. Zeicaah tiah kan ram le miphun caah cun Nusal Pasal taktak dirhmun kan ram le miphun caah an duhning siseh an chunmang zong an chimrel khawh lai tiah ka ruah.

Asinain ka rak ruahmi cu pakpalawng te ah tuchun an cang dih. Tuchun cu kan theihcio bangin The Hakha Times nih Thantlang Hakha zuamnak beihbuan ah a lutmi hna cu ramkheel biaraldohnak an tuah hna. THawng an thanhning ahcun tlamtling taktak in an i tel dih. Asinain kanmah nih kan dirkamhmi NLD an i tel ti lo. Zeiruang ah dah asi tiah kan lung ar cio hna.

Kamkhat lei cun ramkheel debate hi an ngamh lo maw asi hnga tiah ka ruat. Sihmanhsehlaw Host nih fianternak a vun tuah cu ka ar ko. Thantlang Hakha in MP aa cuh dingmi hna cu cunglei nih nawl an pek hna lo caah an rak i tel kho lo. Anmah nih cun an duhtuk ko nain cunglei nawlpek mi asi caah tiah an vun ti cu khua aphunphun ka ruat. Kei ka khuaruah cu zeipi khi san atlai hrimhrim lo.

Kan Chinram abik in THantlang Hakha caah NLD kan pa le hna nih chunmang an manh mi zong tampi a um lai i, Mipi nih kan theih hrimhrim ding asimi thil zong kan chimphuan lai tiah an lung cun an i ruah hrimhrim ko lai. Asinain cu vialte cu cunglei nih nawl an vun pek tikah cun pakhat zong an mui hmuh awk aum ti lo. Cunglei cunglei nih hin maw a zeipaoh aa kan kham ko lai timi ka ruah caah tuchun thok in NLD ka chuahtak bak.

Thil hmete kan ram caah kan tuah lai timi zong cunglei a vun si cang, thil nganpi kan tuah lai timi zongah cunglei si cang, cunglei nih holh hlah uh, tuah hlah uh aa kan ti mi paoh ee umm ti lengmang mi cu kei ka dirhmun he ai khat bak lo. Cunglei NLD cu hruaitu ttha le theihhngalhnak tampi angeimi Kawlram chungah cun mibik khi an si ko nain atanglei tiang avun timi hna hi cu aphung ah ka ruat ti lo. Curuangah mah nawl in zeihmanh atuah kho lomi Party um cu angah lo. Credit: Saya Thang.

Be the first to comment

Leave a Reply

Your email address will not be published.


*