TUCHUN THAWNGPANG THEIH CU LUNG A FAKTUK EE, RIP

KCA ralkap Salai Ezekial tlangcung in a tla i a thi. Kalay Civil Army (KCA) ralkap a si mi Salai Ezekial cu April 7 ah ralhrang ralkap he an i kah lio ah Kalaymyo a hnu lei Carmel tlang ah aa thup nak ah tlang cung in a tla i a thi, a ruak hi April 14 zinglei ah an hmuh, tiah kan theih.Salai Ezekial cu Kalay University ah Geography Major in a donghnak kum a kai lio mi a si.

A ruak hi a chuahnak khua ah an kirpi. Ralhrang ralkap nih KCA ralkap an i thuhnak hmun an theih caah motor le ke in tlangcung an umnak hmun tiang an va kawl hna. April 7 i kahdohnak ruang ah kalay khuami lei in minung 13 an thi i, minung 18 tlaih an tong i, 7 cu an thlah than cang hna tiah kan theih. Credit: Zalen

May be an image of 1 person, standing and indoor

Relchih:Hakha ah Ralkap nih an Rak Tlaihmi Pa a Luat Hnu ah a Nunnak a Liam. Kan hnu February 24 zaan ah Hakha, Dawrthar sang ah ralkap nih an rak tlaihmi Ko Htein Lin Naing cu nizan ah a nunnak a liam, taih thawng kan theih.Ko Htein Lin Naing le a hawipa cu February 24 zaan ah thlalangawng in ralkap pawl a zoh hna ruang ah an rak tlaih hna.

Ralkap nih an taw ah fung in voi 3 veve an tuk hna i, February 29 ah an thlah tthan hna.Ralkap nih an thlah hna hnu ni khat a rauh ah Ko Htein Lin Naing cu pum dam loin a um i sizung ah aa piah. Sibawite nih, Rawl ei loin na um lengmang i na pawpi a phing” tiah an ti. Ko Htein Lin Naing he an tlaih vemi a hawipa nih, “A luak a luak i zinglei sml. 1:00 hrawng ah sizung ah kan kalpi. Rawl na ei bal lo caah na pawpi a phing tiah sibawite nih an ti.

Cu dih cun tlawmpal kan rak ttin tthan ko. Caan karlak ah zu a ding pah lengmang i pum dam loin a um than caah sizung ah kan kalpi tthan. Sibawite nih a thin phing tuk cang an ti. kan thlop manh ti lai lo an ti i, mahti cun a nunnak a liam,” tiah The Chin Journal ah a chim.A nunnak a liammi Ko Htein Lin Naing ruak cu nihin April 14, zinglei sml. 10:00 ah an vui tiah kan theih. Credit:The Chin Journal

Be the first to comment

Leave a Reply

Your email address will not be published.


*