TUCHUN RALHRANG KAWLRALKAP THILTUAH A POI TAKTAK CANG EE

Tuchun ah thawngpang pakhat kan theihmi kongah mipi lungrethei in kan um. Cu cu zeidah a si ti ah cun, Dr. Sasa nih a sak cuahmah mi Lailenpi Airport cu palek le ralkap nih an luh hnawh hna i, a chungah riantuantu vialte an thawl dih hna tiah theih asi. Lailenpi Airport riantuantu vialte hna an thawl dih hna asi ah cun, anmah ralkap le palek nih umnak hmunhma khuarnak ah an hmang than khawhmi asi.

Photo Gallery 2020 — Lailenpi Airport Project

Dr Sasa nih a sak mi Lailenpi Airport hi ralhrang kawlralkap hna nih hrawh dih an timh zong asi kho. Dr.Sasa nih Pathian aa bochan ning hi cu a mak taktak si. Tutan kan ram thil cangmi kongah chun zan hngilhlo in rian a tuan. Heh tiah aa zuam, vawleicung media minthang vialte nih Dr.Sasa interviews tuah hi a ting hmanh an i ting lo. Cutlukin vawleipi nih acuanh lio asi.

Chin's Lailenpi Airport expected to open in 2021 | The Myanmar Times

Dr.Sasa nih zumtu vialte hna sinah a nung kan Pathian sin ah thlacam in rak ka bawm hram ko uh tiah a cah. A timi cu, Ka caah nan tuah khawhmi cu, zeizong vialte tuah khotu Pathian sinah thlacamnak in nan ka bawmhmi hi a si. Thlacamnak nakin a thawng deuhmi teinak hriamnam a um lo. Cu caah Pathian sinah thlacam ka bawm peng ko u tiah zaangfah kan nawl hna tiah bochanmi Dr. Sasa nih a langhter lengmang mang.

Lailenpi Airport - YouTube

Relchih:Zeidah a cang kho (pumpak ruahnak) A rauh hlan ah SAC ralkap nih zeidah tuah a timh lai? Mipi, CRPH, Tlangcung mi zapi fonh nih tah? SAC nih November ah Thimnak election tuah khawhnak a pah chih lai. June le July ah party sawm le campaign tuahnak nawl a onh lai. PR system in thimnak a tuah lai.Atu lio tlaihmi Tamadah le Pi Suu le Vice President Pu Henry le hruaitu tlaihmi pawl tu thla maw hmai thla ah a thlah dih hna lai.

Cu thlah hnu ah An duhmi paoh Pohma 505 maw asiloah Eihmuarnak puh in maw taza an cuai hna lai. NLD party hrawh aa zuam lai. Ralkap dohtu hrem le namchih a zual lai. Rohingya an lak hna lai a hman hna lai. Party tampi he hawikomhnak alliance a tuah lai. Covid vaccines chunh cio ding in a nam lai. Covid stimulus fund chuah piak le private sector caah Trade le sipuazi liberalization a tuah lai. Tangka a rial lai. Inflation a sang lai.

Ramchung ramleng luhchuah a har lai. Nikhat Kyat 3000 tang ei milu 65 to 75 % tiang an karh lai. Cu chung ah Zero income hlawh ngei lo 30% an phan lai. Sualnak crime a karh lai. Mipi, CRPH le Tlangcung hriamtlai lei in tah zeidah an tuah lai?Federal Army ser a thawk lai. Ramchung ramleng hriam bawmhnak a lut lai.Hriamtlai umnak hmun, peng le tlang ah kahnak a zual lai.Khuapi deuh ah Guerrilla – ralfir-ပြောက်ကျား style in kahnak le puahnak a chuah lai.

Mipi nih CDF timi civil disobedience force, mipi ralkap phung an dirh lai.CDM le lamzawh a um peng lai. Federal phunghrampi ser an thawk lai. Ramri longh Refugee an karh lai. Ti rawl a har lai. Thil man a kai lai. Sipuazi rawk lai recession maw depression in crisis a cang lai. Mipi duhlonak a thawng chinchin lai. Rampumpi mipible ralkap donak ramchung ral a tho lai.

Chezchoslovakia ram i Prague Spring Liberalization Movement lio i hruaitu Alexender Dubcek chim bang, Pangpar cu man lak in an lamh an rial ko lai nain Tthal cu a an kham kho lai lo a ti bang (They may crush the flowers, but they can’t stop the Spring.” Alexander Dubcek, Prague Spring 1968) “ပန်းတွေကိုသာ နင်းချေပြစ်လို့ ရနိုင်ပေမယ့် နွေဦး ရောက်လာမှာကိုတော့ ဟန့်တားနိုင်ကြမှာမဟုတ်ဘူး”အရေးတော်ပုံ မုချအောင်တော့မည်. Tthal dothlenak kan tei cang lai! Credit: Dr. Sui Hingz

Be the first to comment

Leave a Reply

Your email address will not be published.


*