TUCHUN HAKHA NLD CAWLCANGH KONG A TTHUAT CANG HNA HIH

Halkha um Miphundang pawl nih CNLD an vote lai maw? Miphun Party dir hi a herh/palh maw? Halkha khuachung ahhin milu 30,000 (thongsawmthum) kuakap an um. Cu ahcun thongnga (5,000) hrawng hi miphundang (atam-u Kawl) an si lai tiah ruahdomh a si, cozah riantuan, ralkap le company riantuan an tam.

Image may contain: 1 person, motorcycle and outdoor

Tuchun NLD Halkha khuachung an ichawhnak zongah miphundang an tam tiah theih a si. Phundang in chim ahcun NLD le USDP cu Halkha ah campaign tuah hau loin vote 3,000 (thongthum) hrawng an i hum cia cang tinak a si. “Kannih cu Chin kan si lo le zeitindah kan in vote rua hna hnga” an kan ti.

Image may contain: 1 person, motorcycle and outdoor

An palh hrimhrim lo. Zeitindah an miphun a si lomi party cu an vote duh khe lai.Asi kun ah Chin mipi nih teh Chin party cu vote an pe kun lai maw? An pek kun lo ahcun (pek a herh lo kan ti ahcun) Chin party cu kan hrawh lawlaw kun ne lai maw? Pu Lian Uk nihcun “CNF le CNLD hi um hlah sehlaw miphundang hmai hmanh zeitindah kan khah lai” ati ko khah.

Image may contain: 3 people, outdoor

Kan Bawipa Jesuh nih hi vawlei ah riantuan hram a thawkka ah “Sifakmi hna sin i thawngtha chim awk ah… saltangmi hna sin i luatnak thanh awk ah le hremmi hna luatter dingah a ka thlah” ti hi a chim hmasa bikmi thawngtha a si (Luka 4:18). A ngaingai ahcun miphun le biaknak ah thleidannak fak bik a tuartu, hrapcheu tiang dolh cangmi le a sifak bikmi Chin miphun kan himnak ding,

Image may contain: 2 people, motorcycle and outdoor

luatnak ding le damnak tling kan hmuh khawh nakding hi Bawipa Jesuh hi vawlei a rak rat hnawhchan pakhat a si. Cucaah miphun ah fek tein dir hi ilaklawh hrimhrim hlah usih. Khrifa hna kan rian a si. Na ke hnih tein miphun ah chia ko. Teinak kan hmuh hrimhrim ko lai.Bawipa pei kan lei ah a ttang cu. Credit: Salai Ceu Bik Thawng

 

Be the first to comment

Leave a Reply

Your email address will not be published.


*