UAR AN UM KHOTUK AN SADUHTHAH TLING HRAM KO SEH

Tuchun CNLD thiltuah sung alawituk hringhran ko. An i timhtuahnak vialte tlamtlinnak hmu hram hnaseh, Kawlram thimnak konghe pehtlaiin ram veih caan cu an thok cang hna. CNLD zong tutan ram chuahvahnak hram an thoknak ding caah a nung kan Biak Pathian sin ah an ap ta. Tuchun ah CNL thla a campiak tu cu Rev Dr Za That asi. An sahduhthah tlamtlinnak hmu hram hna seh. Pathian nih kan Chinram caah CNLD umpi ko seh.

Campaign Thoknak Caah Thlacamnak le Thluachuah Halnak. Thlacam piaktu, Rev. Dr. Za That (General Secretary, CACC), Nicaan : 2020 September 10, zinglei sml 8: 30. A hmun : CNLD Party Zung, Hakha. “Zohhmanh nihin ah hin nangmah cu miphun hna cung le pennak hna cung ah, phawi awk le ṭheh awk ah, hrawh awk le phun awk ah kan chiah cang” Jeremiah 1:10.

A bia kan theih paoh ahcun a za, tiah nanmah le nanmah kha i hleng len hlah uh. A bia cu a tuah tu in tuah deuh uh” Jeim 1: 22. Chin National League for Democracy, Hakha Peng nih “Thimfung Lemsoinak (Campaign) Thoknak Caah Thluachuah Halnak le Apnak” kan tuah. Thimnak Commission nih 2020 September 8 in 2020 November 6 tiang Campaign caan a onh bantuk in phungning in Campaign thoknak caah thluachuah halnak le apnak kan tuah mi hi a si.

CACC GS in Rev. Dr. Za That nih 2020 September 10, zinglei sml 8: 30 ah Candidate hna caah siseh, Party caah siseh, CNLD mino caah Thluachuah Halnak le Apnak a kan tuahpiak cang. September 10 thok in CNLD Party, Hakha Peng cu Campaign kan thok cang tiah thawng kan in thanh hna. CNLD Party, Hakha Peng nih khua kan khanning hi Hakha Peng in khuakip ummi CNLD chungtel hna sawm in minung 500 i tel in thlacamnak le thluachuah halnak tuah kan timh.

Asinain Covid-19 ralrinnak a chuah ṭhan caah abi te in Pathian sin Thluachuah Halnak le Apnak kan tuah hi a si. Thluachuah halpiaknak le apnak a kan ngeihpiaktu CACC GS Rev. Dr. Za That cung ah lunglawmhnak tampi kan ngei. “MIPHUN COVO LAAK THAN DING AH” Chin ram le Chin miphun a dawtu dihlak nih CNLD thimfung nan kan thlak cio naklai upatnak le toidornak he kan in sawm hna.Pathian nih Chin ram le Chin miphun dihlak thluachuah kan pe ko seh. Upatnak he, CNLD Party, Hakha Peng.

Be the first to comment

Leave a Reply

Your email address will not be published.


*