TTIH NUNG IN LEIRAWITU PAFA HNA AN LU AN TAN HNA

Ralhrang kawlralkap lei ah a ttangmi pafa hna cu an lu an tan cang hna tiah theih asi. Hi konglam hi Moe Moe timi nih a tarmi a si. Culawng siloin a chim tthan rih mi cu hi thawngpang hi zakhat ah zakhat bak in a dikmi asi tiah alanghter chih rih. Theih cio bangin a tulio ah mipi nih ralhrang kawlralkap hna cu a phunphun in dohkalh lengmang a si.

Hi lio caan ah mipi tthenkhat hna cu ralhrang kawlralkap lei ah an ttang i, an chuahpi unau siseh an miphun hna cu an leirawi hna i, mipi thiltuah timhmi biathlithup vialte hna kha ralhrang ralkap sin ah thawng an pek tawn hna. Hi bantuk in thawngpang ralhrang sin an peng lengmang ruangah mipi tampi an nunnak aliam pin ah minung tampi an tleih cang hna.

Hi konghe pehtlaiin kanmah Kan Chinram chung a simi Mindat ah pafa hna cu mipi leirawitu an rak si. Mah hna pafa hna cu ralhrang kawlralkap sin thawngpang an pek lengmang hna i, mipi leirawitu an si caah atu bantukin an nunnak an laknak hi a si. An pafa in an lu an tan hna i, an thah hna tiah an chim. Credit: Moe Moe

No description available.

Thawngpang Relchih: Apoitaktak ralhrang kawlralkap hna nih Kalay Mipi humh himtu an hriamnam siseh minung tampi an thahnak le an tleihnak ah mawh phurtu mipi leirawitu cu Ngun Bual Thang asi tiah an langhter. Amah ruangah mipi tampi ralhrang kawlralkap nih an thah hna le an hriamnam an tleih nak hna hi a si tiah an langhter. Hi konghe pehtlaiin a tanglei bantuk an langhter.

Mipi sin ah theihternak. Hmanthlak kan vun langhtermi pa nih hin Ralhrang kawlralkap sin ah thawngpang a pek hna i, ralhrang kawlralkap sin ah attang mi a si. A miphun unau hna cu a hlawt hna. April ni 4 i, Kalaymyo Tahan mipi hna rungvengtu dingah KCA hna caah hriamnam an kuatmi hna cu ralhrang kawlralkap nih an tleih dih hna.

Mah an tleihmi zong kha mah mipa Ngun Bual Thang ruangah a si. Amah nih report a tuah hna caah an tleihmi asi tiah an lunghrinh rih. Amah hi a min ah Ngun Bual Thang a si i, Sekaan ah a ummi a si. Atu ah hin Sekan zongah a um ngam ti lo i, Tio ah a zam lio asi tiah theih a si. Anmah nih an ttialning tein kan vun langhter tthan. Atanglei hi a si.

Mipui te, hriat tirna.Thlalak a kan hmuh pa hian, kawl Sipai sual ho lamah țang in , a chipui unau te ngei a phatsan ani. April 4.2021 a, Kalaymyo / Tahan mipui te venghim na tura KCA ho tan ralthuam / silai an thawn taak’ Sual sipai tena an man vek pawh kha Hepa hian a lo report nia rinhlelh a ni bawk ani. A hming hi-Ngun Bual Thang. An chenna hi Sekaan. Tunah hian Sekaan ah pawh awm ngam tawh lovin țio ah a tlanchhe mek nia thu hriat ani. Source. Kalaymyo/Tahan lairawn mino.

Be the first to comment

Leave a Reply

Your email address will not be published.


*