TRUMP CAAH THAWNGPANG CHIA NGAINGAI SI CANG

Arauh hlan ah Congress Joint Session an thok tthan lai. Vawlei cungpi nih US an kan nehsawh ding hrim an duh lo. January Ni 20 hlan ah Vice President Mike Pence nih president incharge alak te men lai. Donald Trump caah thinphang asi cang in ka hmuh.CONGRESS (DC i lawmakers) pawl cu atu hi Electroral College Vote fehter ding le ding lo kong ceih ṭi ding in meeting an tuah i bia-al (debate) hram an thawk cang.

Indiana kan pu Vice President Mike Pence nih electors pawl vote pekmi hnawlpiaknak nawl (right) ka ngei lo. Congress nih ceih ko uh a ti hna. President Trump nih a fialmi a tuah duh/ngam lo. Capitol hill innpi chung cu linhsat ngai dawh a si. A leng lei ah President Trump supporters pawl torlecheng a au khuang mi an um i Capitol zong an khar (Lockdown). Buaibainak faak tuk chuak sawh hlah seh. A donghnak ahcun Joe Biden le Kamala Harris nih nawl ngeihnak cu an lak te ko lai. Vanceuuk Khenglawt

Relchih:US cu Federal ram a si bantuk in State cio nih phung an ngeih dih. State cio nih phung an ngeihning in, election cu an tuah. Mipi nih vote an thlak. Trump cu a sung. Phung ning tein challenge khawhnak a ngei. ELECTION result cu Courts kip ah challenge a tuah. Supreme Court tiang a phan. Asinain, a sung thiam. Trump cu Mipi votes in a sung, State Courts ah a sung, Supreme Court ah a sung rih. US ram an Democracy system le phunghrampi ningin, Mipi nih bia an chim hmasa.

Court nih an chim rih. Legal tein kalnak kip ah a sungh viar hnu ahcun, ilungsak ding lawng a tang cang. Asinain, Nihin Congress joint meeting ah Vice President Mike Pence tiang, power abused tuah in, “Objection” tuah dingin a fial. Asinain Mike Pence nih US phunghrampi ningin ka hruai lai tiah a al. Cucaah, Trump cu a thin a hung. Mike Pence nih a kan dirpi lo. Miral chia a si” tiah US le Vawleipi theih in Mike Pence cu amawhchiat.

US Constitution njng in Vice President cu, Senate ah President a si lai ti a si. Cucaah, Vice President cu, Senate ah vote aa tluk tik lawng ah biachahnak ngeitu a si. Phundang in, “tie-breaker” tiah an auh.Nizan senate runoff election ah Democratic nih teinak an hmuh caah 50- 50 an si cang lai. Cucaah, Vice President cu “Tie-breaker” dirhmun ah dir lai. Zeiruang ahdah Georgia ah an sungh tthan?

November election ahkhan Republican candidate nih % cun an rak tei tuk hna nain election rule ningin percent/% ri an khiahmi an phan lo caah, nizan ahkhan election an tuah tthan i, Votes tam deuh a rak hmuhmi Republican candidate kha an sung i, tlam deuh vote a rak hmuhmi Democratic nih teinak an co diam. Why/zeiruang ah? Riah Bia an ihal cio.

TRUMP ruang ah Democratic voters an tho i, Republican “dan an dat/punished” hna tiah a ti tawk an um. Tuhi Trump supporters ruang ah congress meeting cu an ngol chung i, an von peh colh hnga maw? A fiang rih lo. Trump nihcun a sung kan khang bak lai lo a ti rih fawn i, Zei dirhmun dah an kan phanpi te lai.TRUMP nih US democracy cu a mui a chiatter ngaingai ko.

Republican Party zong a hrawh tiah tampi nih an zai hnawh. Nain Nizan Georgia election ah a fiangmi, Trump nih Voters fraud a um a timi, “Fraud voters nih sungh le awng lai a rel hlei lo, timi le Republican an sungh hi Covid bawmhnak 2000 an block ruang ah timi hi a von fiang ngai in ka ruah. Credit: Zasang Cinzah.

Be the first to comment

Leave a Reply

Your email address will not be published.


*